Italiaans
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
't Italiaans is de taol vaan 't groetste deil vaan Italië, wie die door zoe 57.000.000 gesproke weurt. Wijers is 't de officieel taol vaan San Marino en Vaticaanstad en ein vaan de veer officieel taole vaan Zwitserland. De taole vaan Corsica, Sardinië en Sicilië weure meistaol neet es dialekte vaan 't Italiaans gezeen, in 't bezoonder 't Sardiens neet.
[bewirk] Leinwäörd
Väöl Italiaanse wäörd zien, oonveraanderd of aongepas, in 't Limburgs terech gekome. Dees wäörd zien in veer houfcategorieë op te deile. De ierste zien de financieel terme (euvergenome in de laote Middelieuwe), wie baank en kassa. De twiede zien de muziekterme, wie allegro, andante, adagio, sonate, cantate, opera, aria, solo, duo ezw. De derde zien de wäörd die mèt de allewijl hendeg populairen Italiaanse keuke te make höbbe: pasta, spaghetti, pizza, ravioli ezw. In de veerde categorie valle veural de wäörd die typisch Italiaanse dinger aongeve, wie mafia (oorsproonkelik 'n afkörting vaan 'n verzètsbeweging tege de hegemonie vaan de Bourbons).