Parlamento Europee

De Wikipedia, le encyclopedia libere

Bandiera europee

Le edificio del Parlamento Europee in Brussel

Le edificio del Parlamento Europee in Strasbourg

Eligite pro un periodo de 5 annos per election universal directe, le Parlamento Europee (a vices Parlamento del UE), instituite in 1987, es le expression democratic de 450 milliones citatanos europee. In le Parlamento Europee es representate, a nivello de formationes politic paneuropee, le grande tendentias politic que existe in le statos-membros. Illo ha 732 (ante le 1 de maio 2004: 626) membros eligite per le populo, del quales 525 es viros e 204 es feminas. Desde 1979 un election commun es tenite in tote Europa, e le 13 de junio 2004 esseva un data historic quando 400 milliones europeos votava al mesme tempore.

Tabula de contento

1 Brussel e Strasbourg
2 Le tres functiones del parlamento
3 Le grandor del gruppos de partitos le 20 de septembre 2004
4 Presidentes del Parlamento Europee
5 Numero de membros per pais
6 Ligamines externe

[modificar] Brussel e Strasbourg

Malgrado que Brussel es considerate como le capital del UE, ubi tamben le Commission Europee e le Consilio de Ministros es situate, il esseva decidite in le Tractato de Amsterdam que le parlamento debe cata mense haber sessiones in Strasbourg. Solmente quatro dies es besoniate e le carga le plus importante es le votationes final. Ma le costos pro isto es enorme, e mesmo le parlamento ipse desira finir le sessiones in Strasbourg. Le governamentos del statos-membros ha le poter de decider; ma on non ha ancora potite attinger alcun decision, primarimente a causa del rivalitate inter Francia e Belgica.

Le distantia inter Brussel e Strasbourg es circa 400 km e 30 personas es besoniate pro cargar 10 grande camiones con le equipamento necessari. Circa 5000 personas tamben debe mover se inter le urbes e le costos es estimate a 200 milliones euros per anno. In plus, le parlamento ha plure functiones, primarimente administrative, localisate in Luxemburg.

[modificar] Le tres functiones del parlamento

Le Parlamento ha tres functiones essential:

Dividite con le Consilio del Union Europee, le function legislative: illo adopta le legislation europee (directivas, regulamentos, decisiones). Su participation contribui per garantir le legitimation democratic del textos adoptate.
Dividite con le Consilio del Union Europee, le function budgetari: illo pote alterar le dispensas communitari. In ultime instantia, illo adopta le budget integre.
Le controlo democratic super le Commission Europee. Le PE approba le designation de su membros e ha le derecto de votar un motion de censura. Illo exerce equalmente le controlo politic super le institutiones.

[modificar] Le grandor del gruppos de partitos le 20 de septembre 2004

Gruppo politic	Abbreviation	Numero de membros
Partito Popular Europee (Democrates Christian) e Democrates Europee	EPP-ED	263
Partito Social-democratic Europee	PSE	201
Alliantia Liberales e Democrates pro Europa	ALDE	89
Le Verdes/Alliantia Libere Europee	Le Verts/EFA	42
Le Sinistra Unite Europee/Sinistra Nordic Verde	GUE/NGL	41
Independentia/Democratia	IND/DEM	29
Le Union pro Europa del Nationes	UEN	30
Non-inscriptos	NI	37
Total		732

[modificar] Presidentes del Parlamento Europee

Simone Veil, Francia, 1979-1982
Piet Dankert, Nederlandia, 1982-1984
Pierre Pfimlin, Francia, 1984-1987
Lord Plumb, Grande Britannia, 1987-1989
Enrique Barón Crespo, Espania, 1989-1992
Egon Klepsch, Germania, 1992-1994
Klaus Hänsch, Germania, 1994-1997
José Maria Gil-Robles, Espania, 1997-1999
Nicole Fontaine, Francia, 1999-2002
Pat Cox, Irlanda, 2002-2004
Josep Borrell Fontelles, Espania, 2004-

[modificar] Numero de membros per pais

Germania 99	Polonia 54	Hungaria 24	Finlandia 14	Slovenia 7
Francia 78	Nederlandia 27	Portugal 24	Slovachia 14	Cypro 6
Italia 78	Belgica 24	Svedia 19	Irlanda 13	Estonia 6
Regno Unite 78	Tchechia 24	Austria 18	Lituania 13	Luxemburg 6
Espania 54	Grecia 24	Danmark 14	Latvia 9	Malta 5
Total: 732