Consilio del Union Europee

De Wikipedia, le encyclopedia libere

Le Consilio del Union Europee (un altere nomine es le Consilio de ministros) es le organo le plus alte pro decisiones e illo constitue, con le Parlamento Europee, le autoritate legislative del Union Europee (UE). In plus illo debe coordinar le politica economic del statos-membros e concluder accordos international al conto del Union. Le consilio consiste de un ministro de cata stato-membro. Ille ministro qui ha le reponsibilitate pro le affaire actual participa. Le consilio del prime ministros es appellate Consilio Europee

[modificar] Votationes

Le Consilio del Union Europee ha manieras differente de prender decisiones dependente del typo de affaire que es actual. Concernente certe affaires un majoritate simple o qualificate suffice dum altere affaires exige unanimitate. Isto es regulate in le tractatos. Le affaires ubi le statos membros ha derecto de veto es i.a. commun politica exterior, taxation, affaires de asylo e politica de immigration. Le protocollos del sessiones del consilio es public excepte quando le consilio age como legislator. Alora le protocollos es secrete. Cata pais ha un numero fixe de votos que se base super le population ma le parve paises es supercompensate in correlation al population. Le numero de votos es 321 e illos es apportionate assi:

Francia, Italia, Regno Unite, Germania: 29 votos
Polonia, Espania: 27 votos
Nederlandia: 13 votos
Belgica, Grecia, Portugal, Tchechia, Hungaria: 12 votos
Svedia, Austria: 10 votos
Lettonia: 9 votos
Danmark, Finlandia, Irlanda, Lituania, Slovachia: 7 votos
Cypro, Estonia, Luxemburg, Slovenia: 4 votos
Malta: 3 votos

[modificar] Presidentes

Cata sexte mense un nove presidente es designate in torno inter le paises. Le pais que ha le presidente ha le responsibilitate i.a. pro le agenda del consilio, presentar projectos de lege, ager como presidente del sessiones e representar le consilio ante altere institutiones del UE.

Lista del presidentes:

2000 Portugal, Francia
2001 Svedia, Belgica
2002 Epania, Danmark
2003 Grecia, Italia
2004 Irlanda, Nederlandia
2005 Luxemburg, Regno Unite
2006 Austria, Finlandia
2007 Germania, Portugal
2008 Slovenia, Francia
2009 Tchechia, Svedia
2010 Espania, Belgica
2011 Hungaria, Polonia
2012 Danmark, Cypro

[modificar] Area de labor

Il incumbe al Consilio del Union Europee:

approbar projectos de lege del Commission Europee e con isto legislar nove leges. Concernente multe areas le leges es legislate in collaboration con le Parlamento Europee.
coordinar le politica economic del membros.
regular tractatos international con paises o organisationes.
in collaboration con le Parlamento Europee approbar le budget del UE.
developpar le commun politica exterior e de securitate.
coordinar le systema judicial e le policia concernente affaires de legislation criminal.