கனடா

கட்டற்ற கலைக்களஞ்சியமான விக்கிபீடியாவில் இருந்து.

கனடா
Canada


கொடி	சின்னம்

குறிக்கோள்: இலத்தீன்: A Mari Usque Ad Mare
ஆங்கிலம்: From Sea to Sea
தமிழ்: கடலுக்குக் கடல்

நாட்டு வணக்கம்: ஓ கனடா

தலைநகரம்

ஒட்டாவா
45°34′N 77°12′E

பெரிய நகரம் ரொறன்ரோ

ஆட்சி மொழி(கள்) ஆங்கிலம், பிரெஞ்சு

அரசு கூட்டாச்சி

அரசி
Governor General
பிரதமர் எலிசபெத் II
Michaëlle Jean
சிரீபன் கார்ப்பர்

விடுதலை

- BNA Act
- Statute of Westminster
- Canada Act ஐக்கிய இராச்சியத்திடமிருந்து
யூலை 1, 1867
டிசம்பர் 11, 1931
ஏப்ரல் 17, 1982

பரப்பளவு

- மொத்தம் 9,984,670 கி.மீ.² (2 ஆவது)

3,854,085 சதுர மைல்

- நீர் (%) 8.92 (891,163 km²)

மக்கள்தொகை

- July 2006 மதிப்பீடு 32,547,200 (36 ஆவது)

- 2001 கணிப்பீடு 30,007,094

- அடர்த்தி 3.3/கிமி² (185ஆவது)
8.3/சதுர மைல்

மொ.தே.உ (கொ.ச.வே) 2006 மதிப்பீடு

- மொத்தம் $1.077 டிரில்லியன் (11 ஆவது)

- ஆள்வீதம் $34,273 (7 ஆவது)

ம.வ.சு (2005) 0.949 (5th) – உயர்

நாணயம் கனடா டொலர் ($) (CAD)

நேர வலயம் (ஒ.ச.நே.-3.5 to -8)

- கோடை (ப.சே.நே.) (ஒ.ச.நே.-2.5 to -7)

இணைய குறி .ca

தொலைபேசி +1

மின்சாரம்

- மின்னழுத்தம் 120 V

- அலையெண் 60 Hz

Please Cross Fact Check

கனடா (Canada) வட அமெரிக்கா கண்டத்தில் உள்ள உலகின் இரண்டாவது பெரிய நாடு ஆகும். வடக்கே வட முனையும், கிழக்கே அட்லாந்திக் பெருங்கடலும், தெற்கே அமெரிக்க ஒன்றியமும், மேற்கே பசிபிக் பெருங்கடலும் மற்றும் அமெரிக்க ஒன்றிய நாடுகளின் அலாஸ்கா மாநிலமும் எல்லைகளாக அமைகின்றன.

கனடா பத்து மாகாணங்களையும் மூன்று ஆட்சி நிலப்பகுதிகளையும் கொண்ட கூட்டமைப்பு ஆகும். ஒட்டாவா கனடாவின் தலைநகரம் ஆகும். ஆங்கிலம், பிரெஞ்சு ஆகிய இரண்டும் கனடாவின் ஆட்சி மொழிகளாகும். 1999ஆம் ஆண்டு நிறுவிய நுனாவுட் ஆட்சி நிலப்பகுதியில், இனுக்டிடூட் மொழி ஆட்சி மொழியாகும்.

பொருளடக்கம்

1 வரலாறு
2 புவியியல்
3 கனடா மாகாணங்களும் ஆட்சி நிலப்பகுதிகளும்
4 பொருளாதாரம்
5 அரசமைப்பு
- 5.1 அரசியல் கட்சிகள்
6 சட்டம்
7 நிர்வாகம்
- 7.1 மருத்துவ சேவை
- 7.2 கல்வி
8 வெளியுறவுக் கொள்கைகள்
9 பாதுகாப்புக் கட்டமைப்பு
10 சமூகம்
11 பண்பாடும் வாழ்வியலும்
12 அரசியல், சமூக, பொருளாதார, சுழலியல் பிரச்சினைகள்
13 இதர தகவல்கள்
- 13.1 விடுமுறை மற்றும் கொண்டாட்ட நாட்கள்
14 படிமங்கள்
15 சர்வதேச மதிப்பீடுகள்
16 ஆதாரங்கள்
17 மேற்கோள்கள்
18 வெளி இணைப்புகள்

[தொகு] வரலாறு

முதன்மைக் கட்டுரை: கனடாவின் வரலாறு
இவற்றையும் பார்க்க: கனடாவின் வரலாற்றுக் காலக்கோடு

[தொகு] ஆதிக்குடிகள்

கனடிய ஆதிக்குடிமக்கள் அரசியல் ரீதியாக அரசியல் அமைப்புச்சட்டத்தில் பின்வரும் மூன்று வகைகளாக அடையாளப்படுத்தப்பட்டுள்ளனர்: 'இன்டியன்ஸ்', இனுவிட் (Inuit), மெயிற்ரீஸ் (Metis). மூன்று பெரும்வகைகளாக அரசியல் சட்ட அடையாளங்களை கொண்டிருந்தாலும், இன, மொழி, பண்பாடு, வாழ்வியல், புவியில் ரீதியில் கனடிய ஆதிக்குடிமக்கள் பலவகைப்படுவார்கள்.

'இண்டியன்ஸ்' என்ற சொல்லை இழிவானதாக கனடிய ஆதிக்குடிகள் கருதியதால், அவர்கள் தங்களை முதற் குடிகள் (First Nations) என்று அழைத்தார்கள். இவர்கள் கனடிய செவ்விந்தியர்கள் என்றும் குறிப்பிடப்படுவதுண்டு. இம்மக்களின் வாழ்வியல், அவர்கள் வாழ்ந்த நிலப்பகுதிகளைப் பொறுத்து வேறுபடுகின்றது. வாழ்ந்த நிலப்பகுதிகளைக் கொண்டு முதற் குடிகளை ஆறு வகைகளாகப் பிரிக்கலாம். அவை பின்வருமாறு:

சமவெளி மக்கள் - (Plains)
இறொக்குவா குடிகள் - Iroquoian Nations
வட வேட்டுவர் - Northern Hunters
வட மேற்கு மக்கள் - Northwest Cost
அல்கோன்கிய குடிகள் - Algonkian Nations
பீடபூமி மக்கள் (Plateau)

கனடாவின் மிக குளிரான மேற்பகுதிகளில் வாழ்ந்தவர்களே இனுவிட் ஆவார்கள். இவர்களை அழைக்க எஸ்கிமோ என்று தற்போது இழிவாகக் கருத்தப்படும் சொல்லும் பயன்படுத்தப்பட்டு வந்தது. கனடா என்றவுடன் விலங்குத்தோல் உடுப்புடன் பனிக்கட்டியினால் கட்டப்பட்ட அல்லது சூழப்பட்ட இருப்பிடங்களுக்கு பக்கத்தில் நிற்கும் இனுவிட் மக்களை சுட்டுவது ஒரு ஊடக மரபு.

[தொகு] ஐரோப்பியர் வரவு

பிரெஞ்சு மக்கள் 1605 ஆம் ஆண்டளவில் ரோயல் துறைமுக என்ற பகுதியிலும், அதனைத் தொடர்ந்து 1608ம் ஆண்டு கியூபெக்கிலும் முதன்முதலில் குடியமர்ந்தனர். ஆங்கிலக் குடியேற்றங்கள் நியூ பவுண்ட்லாந்தில் 1610 ஆம் ஆண்டு குடியமர்ந்தனர். ஐரோப்பியரின் வருகை புது நோய்களை வட அமெரிக்காவுக்கு கொண்டுவந்தது. அப்புதிய நோய்களுக்கு உடலில் எதிர்ப்புத்திறனற்ற முதற்குடிமக்கள் பெரும்பான்மையானோர் அந்த நோய்களுக்கு இரையாகினார்கள்.

[தொகு] கனேடியக் கூட்டரசு உருவாக்கம்

பிரிட்டனின் காலனிகளாக இருந்த ஒன்ராறியோ, கியூபெக், நியூ பிரன்ஸ்விக், நோவோ ஸ்கோஷியா British North American Act மூலம் 1867 ஆம் ஆண்டு கனடா கூட்டரசாக உருவானது. கனடாவின் பிற மாகாணங்கள் பின்னர் கூட்டரசில் சேர்ந்தன. New Foundland 1949 ஆண்டு கனடாவுடன் கடைசியாக இணைந்த மாகாணம் ஆகும்.

[தொகு] பல்நாட்டவர் வருகை

Trudeau (1968)

பிரெஞ்சு, ஆங்கிலேய குடிவரவாளர்களாலும் ஆதிக்குடிகளாலும் கனடா உருவாக்கப்பட்டது. கூட்டமைப்பின் போது ஏற்படுத்தப்பட்ட ஒப்பந்தங்களின்படி கனடாவை இணைக்கும் ஒரு தொடருந்துப் பாதை கட்டவேண்டிய தேவை இருந்தது. இதற்காக 1870களில் சீனர்கள் தொடருந்துப் பாதை கட்டமைப்பில் வேலை செய்வதற்காக வரவழைக்கப்பட்டனர். 1885 ஆம் ஆண்டு தொடருந்துப் பாதை கட்டிமுடிந்த பின்பு சீனர்கள் வரவு கட்டுப்படுத்தப்பட்டது. குறிப்பாக "Chinese Exclusion Act" 1923 ஆம் ஆண்டு நடப்புக்கு வந்தது.

கறுப்பின மக்கள் வெவ்வேறு காலப்பகுதியில் கனடாவில் குடியேறினார்கள். தொடக்கத்திலேயே அவர்கள் அடிமைகளாக பிரெஞ்சு மக்களுடன் கனடாவுக்கு வந்தனர். எனினும் 1793 ஆம் ஆண்டில் மேல் கனடாவில் அடிமைகளுக்கு விடுதலை கிடைத்தது. அதனைத் தொடர்ந்து அமெரிகாவில் இருந்து பல கறுப்பின மக்கள் கனடாவுக்கு விடுதலை தேடிவந்தனர். இவர்கள் வந்த பாதை Underground railroad என அழைக்கப்பட்டது.

1920 ஆண்டளவில், கனடா இன அடிப்படியிலான குடிவரவுக் கொள்கைகளை பின்பற்றத் தொடங்கியது. இதன் காரணமாக ஐரோப்பியர் தவிர்ந்த ஏனைய இன மக்கள் கனடாவுக்குள் வருவது கடினமாக்கப்பட்டது. இக்கொள்கை 1967 இல் நீக்கப்பட்டது. எனினும், இதற்கமையவே இரண்டாம் உலகப்போருக்கு பின்னர் பல்வேறு ஐரோப்பிய குடிவரவாளர்களை கனடா உள்வாங்கியது. வியட்நாம் போரின்போது அமெரிக்க draft dogers பலரையும் உள்வாங்கியது.

உலகில் முதன்முதலாக பல்லினப் பண்பாட்டுக் கொள்கையை, கனடா அதிகாரபூர்வமாக 1971 ஆம் ஆண்டு ஏற்றுக்கொண்டது. அதனைத் தொடர்ந்து பன்னாட்டு மக்களும் கனடாவுக்கு குடிவருவது அதிகரித்தது. 1980களிலும் 1990களிலும் தமிழர்கள், பிற தெற்காசிய மக்கள், ஆபிரிக்கர்கள் புதிய குடிவரவாளர்களில் கணிசமான தொகையாக இருந்தனர்.

[தொகு] புவியியல்

[தொகு] இட அமைவு

கனடா வட அமெரிக்காவின் தெற்கு 41% வீதத்தை தன்னகத்தே கொண்ட உலகின் இரண்டாவது பெரிய பரந்த நாடு ஆகும். வடக்கே வட முனையும், கிழக்கே அட்லாந்திக் பெருங்கடலும், தெற்கே அமெரிக்க ஒன்றியமும், மேற்கே பசிபிக் பெருங்கடலும் மற்றும் அமெரிக்க ஒன்றிய நாடுகளின் அலாஸ்கா மாநிலமும் எல்லைகளாக அமைகின்றன. கிறீன்லாந்து கனடாவின் வட கிழக்கு எல்லையில் அமைந்துள்ளது. கனடாவின் பரப்பளவு 9,984,670 கிமீ ஆகும். இதில் தரை 9,093,507 கிமீ, நீர் 991,163 கிமி ஆகும். கனடாவின் பரந்த பரப்பளவு காரணமாக அது பல்வேறு விதமான இயற்கையமைப்புகளையும் காலநிலைகளையும் கொண்டது.

[தொகு] இயற்கையமைப்பு

கனடாவில் வெவ்வேறு நிலப்பகுதிகளில் வெவ்வேறு தாவர வகைகள் வளர்கின்றன. மேற்குப் பகுதி மலையும் மலை சார்ந்த ஒரு நிலப்பகுதி ஆகும். இங்கு மழைக்காடு போன்ற காலநிலையும் அதே போன்று அடர்த்தியான காடுகளும் காணப்படுகின்றன. பிரெய்ரி தாழ்நிலப்பகுதியில் புல் வெளிகள் உண்டு. அதற்கு மேலே ஊசியிலைக் காட்டுத்தாவரங்களும், அதற்கு மேலே மிக குளிர் நிலப்பகுதியில் thundra (low grasses, shurbs, mosses, lichens)வும் காணப்படுகின்றன. தென் ஒன்ராறியோவிலும் கிழக்குப் பகுதிகளிலும் தூந்திரத் தாவரங்கள் (deciduous trees) உண்டு.

[தொகு] காலநிலை

குளிர் காலத்தில் மின் நெடுபேரூந்து

கனடா மத்திய கோட்டுக்கு மிக மேலே இருப்பதால் பெரும்பாலும் கடும் குளிரான காலநிலையை கொண்டது. இடத்துக்கு இடம் சராசரி காலநிலை மாறியமையும். குளிர்காலத்தில் -15 செல்சியஸ் சராசரி வெப்பநிலையை கொண்டிருக்கும்; இது, -40 வரை தாழக்கூடியது. வடக்குப் பகுதிகளில் குளிர் மிக அதிகமாகவும், குளிர்காலம் 11 மாதங்கள் வரை நீடிக்கவல்லதாகவும் இருக்கும். தெற்குப் பகுதிகளில் ஏழு மாத காலம் வரை குளிர்காலம் இருக்கும். குளிர்காலத்தில் பனிமழை விழுவதும், இடங்கள் எல்லாம் விறைத்துக் காணப்படுவதும் இங்கு வழமை.

கோடை காலத்தில் கிழக்கிலும் மேற்கிலும் 20 டிகிரி செல்சியஸ் சராசரி வெப்பநிலையையும், இடைப்பட்ட பகுதிகளில் 25 முதல் 30 டிகிரி செல்சியஸ் சராசரி வெப்பநிலையையும் கொண்டிருக்கும். விதிவிலக்காக, பசிபிக் பெருங்கடல் கடற்கரை கொண்டிருக்கும் பிரிற்ரிஸ் கொலம்பியா temperate காலநிலையையும், மழை பெறும் நிலப்பகுதியாகவும் இருக்கின்றது.

[தொகு] கனடா மாகாணங்களும் ஆட்சி நிலப்பகுதிகளும்

கொடி	மாகாணம்	தலை நகரம்	கூட்டமைப்பு இணைவு	நேரம் வேறுபாடுகள் ஒ.ச.நே ஒப்பீடு	புவியியல் பிரிவு
	பிரிட்டிஷ் கொலம்பியா	விக்டோரியா	1871	-8 (Pacific), -7 (Mountain)	மேற்கு கனடா, பசுபிக்
	அல்பேர்டா	எட்மன்டன்	1905	-7 (Mountain)	மேற்கு கனடா
	சஸ்காற்ச்சுவான்	ரிஜைனா	1905	-7 (Mountain), -6 (Central)
	மனிரோபா	வினிப்பெக்	1870	-6 (Central)
	ஒன்ராறியோ	ரொறன்ரோ	1867	-6 (Central), -5 (Eastern)	மத்திய கனடா, கிழக்கு கனடா
	கியூபெக்	கியூபெக் சிற்ரி	1867	-5 (Eastern) -4 (Magdalen Islands)	மத்திய கனடா, கிழக்கு கனடா
	நியூ பிரன்ஸ்விக்	பிரடெரிக்டன்	1867	-4 (Atlantic)	அட்லாண்டிக் கனடா மரிரைம்ஸ்
	நோவோ ஸ்கோஷியா	ஹாலிபாக்ஸ்	1867
	பிரின்ஸ் எட்வேர்ட் ஜலண்ட்	சார்லட்ரவுன்	1873
	நியூ ஃவுண்ட் லான்ட்	செயின்ற் யோன்ஸ்	1949	-4 (Atlantic), -3.5 (Newfoundland)	அட்லாண்டிக் கனடா
கொடி	பிரதேசங்கள்	தலை நகரம்	கூட்டமைப்பு இணைவு	நேரம் வேறுபாடுகள் Standard	புவியியல் பிரிவு
	யூக்கோன்	வயிற்கோர்ஸ்	1898	-8	கனடா வடக்கு ஆர்க்டிக் கனடா
	நோர்த் வெஸ்ற் ரெரொற்ரோரீஸ்	யெலோ நைவ்	1870	-7
	நுனுவிற்	இக்வாலுவுற்	1999	-7, -6, -5,

[தொகு] பொருளாதாரம்

முதன்மைக் கட்டுரை: கனடாவின் பொருளாதாரம்

பொருளாதாரம்
மொத்த தேசிய உற்பத்தி
தனி மனித வருமானம்	ஆள்வீத வருமானம் = $34273
தொழில் அற்றோர் விகிதம்	6.1 %
பண வீக்க வீதம்	2.8 %
சராசரி ஆயுள் எதிர்பார்ப்பு
Exchange rate	0.9013 to US $
Source: http://www.canadianeconomy.gc.ca/english/economy/index.cfm#top

கனடா ஒரு வளர்ச்சியடைந்த நாடு ஆகும். பொதுவாக ஒரு நடுநிலை பொருளாதாரக் கொள்கையை கொண்டிருக்கின்றது. திறந்த சந்தை பொருளாதாரத்தை ஏற்றும் அதே வேளை பொருளாதாரத்தை வளப்படுத்துவதில், சமூக நீதியை பேணுவதில் அரசுக்கு முக்கியப் பங்கு உண்டு என்பதும் கனடாவின் அணுகுமுறையாக இருக்கின்றது. திறந்த சந்தையால் வழங்க முடியாத சேவைகளை வழங்குதல், பொதுநலனை பாதுகாத்தல், சமவாய்ப்புச் சூழலை பேணல், சுற்றாடலை பாதுகாத்தல் போன்ற செயல்பாடுகளில் அரசு முக்கியப் பங்கு வகிக்கின்றது.

[தொகு] இயற்கை வளம்

நிலம், நீர், காடு, மீன், எண்னெய், கனிமங்கள் ஆகிய இயற்கைவளங்கள் கனடாவில் மிக்க உண்டு. பிரிட்டிஷ் கொலம்பியாவில் மரங்கள் பேண்தகுமுறையில் வெட்டப்பட்டு அமெரிக்கா, ஜப்பான் போன்ற நாடுகளுக்கு ஏற்றுமதி செய்யப்படுகின்றன. அல்பேர்டாவில் எண்ணெய் 1950 களில் கண்டறியப்பட்டு இன்று செல்வம் மிக்க ஒரு மாகாணமாக வளர எண்ணெய் உற்பத்தி ஏதுவாக்கிற்று. கனடாவே அமெரிக்காவுக்கு அதிக விழுக்காடு எண்ணை ஏற்றுமதி செய்யும் நாடு என்பது குறிப்படத்தக்கது. அட்லாண்டிக் மாகாணங்கள் மீன்பிடி வளம் மிக்கப் பகுதிகளாகும். எனினும் முந்தைய பேண்தகுமுறையற்ற மீன்பிடிப்பால் பல மீன்வளங்கள் அருகிப்போய்விட்டன. தற்சமயம் இந்த மாகாணங்களை அண்டிய கடற்பகுதியிலும் எண்ணெய் வளம் இருப்பது தெரியவந்து, அதை உற்பத்தி செய்வதில் கவனம் செலுத்தப்படுகின்றது. வட ஒன்ரோறியோவில் தங்கம், நிக்கல், யுரேனியம், காரீயம் ஆகிய கனிமச் சுரங்கங்கள் உண்டு. இவற்றின் உலக உற்பத்தி அளவில் கனடாவும் முன்னணி வகிக்கின்றது. கனடா இயற்கைவளம் மிக்க நாடு என்றாலும் கனடாவின் மொத்த தேசிய உற்பத்தியில் (GDP) 6% இத்துறையில் இருந்து வருகின்றது, 4% மக்களே இதில் வேலைசெய்கின்றார்கள்.

[தொகு] வேளாண்மை

வேளாண்மையும் அதனை சார்ந்த தொழில்துறைகளும் மொ.தே.உ 8.3 விழுக்காட்டை (2003 கணிப்பீடு) கொண்டு கனடிய பொருளாதாரத்தில் ஒரு முக்கியப் பங்கு வகிக்கின்றது.[1]

[தொகு] உள்கட்டுமானம்

கனடாவின் உள்கட்டுமானக் கூறுகளான போக்குவரத்து, தொலைத்தொடர்பு, தகவல் தொழில் நுட்பம் ஆகியவை உறுதியாக கட்டமைக்கப்பட்டு, பராமரிக்கப்பட்டு, தேவைக்கேற்ப விரிவாக்கப்பட்டு வருகின்றன. வளர்ச்சி பெற்ற மனிதவளமும், இணக்கமான வினைத்திறன் மிக்க அரசியல் சூழலும் இதை ஏதுவாக்கின்றன.

[தொகு] போக்குவரத்து

முதன்மைக் கட்டுரை: கனடாவின் போக்குவரத்துக் கட்டமைப்பு

கனடாவின் பரந்த பிரதேசம் காரணமாக எல்லைக்கு எல்லை அதனை இணைக்கும் ஒரு சிறந்த போக்குவரத்து மார்க்கம் அதன் இருப்பிற்க்கு முக்கியமாக அமைகின்றது. மனிதர்களையும் பொருட்களையும் ஏற்றி இறக்கும் வழிமுறைகள் சிறப்பாக அமைவது பொருளாதரத்திற்கு அவசியமாகவும் ஆகையால் அரசியலில் முக்கிய அம்சமாகவும் கனடாவில் இருக்கின்றது. இதன் காரணமாக சாலைகள், தொடரூந்து பாதைகள், ஆகாய, கடல்வழி மற்றும் குழாய்வழி போக்குவரத்துக்கள் விரிவாக கட்டமைக்கப்பட்டுள்ளன.

[தொகு] பொருள் உற்பத்தி

தென் ஒன்ராறியோவில் விருத்தியடைந்த உற்பத்தித்துறை உண்டு. கார் உற்பத்தி இங்கு வெகுவாக நிகழ்கின்றது. கியூபெக் மாகாணம் உலகின் 6 பெரிய விமான உற்பத்தி இடமாகும். இவற்றைத் தவிர பலதரப்பட்ட பொருட்கள் இங்கு உற்பத்தி செய்யப்படுகின்றன.

[தொகு] சேவைத் துறை

கனடாவின் பொருளாதாரத்தில் பெரிய துறை சேவைத்துறையாகும். இத்துறை retail, real estate, finance, communications, information technology, education, health sector, entertainment, and tourism ஆகிவற்றை உளளடக்கியது. இத்துறையிலேயே 75 விழுக்காடு மக்கள் வேலைசெய்கின்றார்கள்.

[தொகு] அறிவியலும் தொழில்நுட்பமும்

கனடா ஒரு உயர்ந்த தொழில்மயமாக்கப்பட்ட அறிவு ஆதாரணமான பொருளாதரக் கடமைப்பை உருவாக்கி பேண முயல்கின்றது. அதற்கு தேவையான தகவல், தொடர்பாடல் உள்கட்டமை ஏற்படுத்தியும், கனடாவின் ஆராய்ச்சி வடிமைப்பு கட்டமைப்பை முனைப்புடன் வழிநடத்தியும் வருகின்றன. Natural Sciences and Engineering Research Council இப்பணியை மேற்கொண்டு வருகின்றது. CANDU reactor, Canada Arm, Maple (software) ஆகியவை கனடாவின் அறிவியல் தொழில்நுட்பத்துறையின் சில எடுத்துகாட்டுக்கள் ஆகும்.

[தொகு] ஏற்றுமதி/இறக்குமதி

கனடாவின் முதன்மை ஏற்றுமதி இறக்குமதி பங்கு நாடு அமெரிகா ஆகும். கனடாவின் 81% ஏற்றுமதியும் 67% இறக்குமதியும் அமெரிக்காவினுடன் ஆனது [2]. இது அமெரிக்காவின் 23% ஏற்றுமதியையும் 17% இறக்குமதியையும் பிரதிபலிக்கின்றது [3].

[தொகு] அரசமைப்பு

Centre Block, Parliament Hill, Ottawa, Ontario.

முதன்மைக் கட்டுரை: கனடிய அரசமைப்பு

கனடா அடிப்படையில் ஒரு மக்களாட்சிக் கூட்டரசு ஆகும். அத்தோடு, அரசியலைமைப்புசட்ட முடியாட்சியும் ஆகும். பெயரளவில் எலிசெபெத் II கனடாவின் அரசி ஆவார். நடைமுறையில் நாடாளுமன்ற மக்களாட்சியும் மரபுமே முக்கியத்துவம் பெறுகின்றன.

கனடாவின் அதி உயர் சட்ட அமைப்பு கனடா அரசியலமைப்பு சட்டம் ஆகும். இது அரசாளும் முறைகளையும் மக்களின் உரிமைகளையும் விபரிக்கின்றது. இது உரிமைகள் சுதந்திரங்களுக்கான கனடிய சாசனம் (Canadian Charter of Rights and Freedoms) உள்ளடக்கியது. இந்த சாசனத்தின் பகுதி 12 கனடாவின் பல்லினப்பண்பாடுக் கொள்கையை அதன் அரசியலமைப்புச் சட்டத்திலேயே உறுதி செய்கின்றது.^[1]

உரிமைகள் சுதந்திரங்களுக்கான கனடிய சாசனத்தில் விபரிக்கப்பட்ட மனித உரிமைகள் பிற அரச சட்டங்களினால் மறுதலிக்க, முரண்பட முடியாதவையாகும். எனினும், உரிமைகள் சுதந்திரங்களுக்கான கனடிய சாசனத்தில் தரப்பட்ட "notwithstanding clause", கொண்டு மத்திய அரசோ, மாகாண சட்டசபையோ இடைக்காலமாக ஐந்து வருடங்களுக்கு உரிமைகள் சுதந்திரங்களுக்கான கனடிய சாசனத்தின் சில அம்சங்களை மீறி ஆணை செய்யலாம். நடைமுறையில் "notwithstanding clause" மிக அரிதாக, அவதானமாக, கடைசி வழிமுறையாகவே பயன்படுத்தப்பட்டிருக்கின்றது.

கனடா மூன்று நிலை அரசுகளைக் கொண்டது. அவை மத்திய அரசு, மாகாண/ஆட்சிப் நிலப்பரப்பு அரசுகள், நகராட்சி/ஊர் அரசுகள் ஆகும். கனடாவின் மத்திய அரசே கனடாவை நாடு என்ற ரீதியில் பிரதிநிதிப்படுத்துகின்றது. குறிப்பாக கூட்டரசு நிர்வாகம், பாதுகாப்பு, வெளியுறவு கொள்கை ஆகியவற்றை மத்திய அரசு கவனிக்கின்றது.

Michaëlle Jean, கனாடவின் ஆளுனர்

கனடாவின் மத்திய பாரளுமன்றம் ஆளுனர், மக்களவை, செனற் ஆகியவற்றால் ஆனது. கனாடவின் முடிக்குரியவரை ஆளுனர் பிரதிநிதிப்படுத்தி, மரபு ரீதியான சில முக்கிய கடமைகளை ஆற்றுவார். ஆளுனர் கனடாப் பிரதமரின் பரிந்துரைக்கமைய கனடாவின் முடியுரிமைகுரியவரால் நியமிக்கப்படுகின்றார்.

மக்களால் தேர்தல் மூலம் நேரடியாகத் தெரிவு செய்யப்படும் 308 உறுப்பினர்களை கொண்ட மக்களவையே கனடாப் பாராளுமன்றத்தின் முக்கிய பிரிவு ஆகும். ஒவ்வொரு உறுப்பினரும் கனடாவின் ஒரு தேர்தல் தொகுதியையும், அத்தொகுதியின் மக்களையும் பிரதிநிதித்துவம் செய்கின்றார். தேர்தல் குறைந்த பட்சம் 5 வருடங்களுக்கு ஒரு முறை நடைபெற வேண்டும்.

செனற் 112 பிரதிநிதிகள் வரை கொண்டிருக்கலாம். செனற் பிரதிநிதித்துவம் பிரதேச அடிப்படையில் அமைகின்றது. செனற் உறுப்பினர்கள் பிரதமரால் பரிந்துரைக்கப்பட்டு ஆளுனரால் நியமிக்கப்படுகின்றார்கள்.

கனடா அரசின் தலைவராக பிரதமர் விளங்குகின்றார். மக்களவையில் பெரும்பான்மை உறுப்பினர்களின் நம்பிக்கையைப் பெற்ற கட்சியின் தலைவர் பிரதமர் ஆகும் தகுதி பெறுகின்றார். பிரதமரையும் அவர் தெரிவு செய்யும் அமைச்சரவையையும் அதிகாரபூர்வமாக ஆளுனர் நியமிக்கின்றார். மரபுரீதியாக அமைச்சரவை பிரதமரின் கட்சியிலிருந்து பிரதமரால் தெரிவு செய்யப்படும் உறுப்பினர்களால் ஆனது. அரச செயல் அதிகாரம் பிரதமராலும் அமைச்சரவையாலும் பிரயோகிக்கப்படுகின்றது.

[தொகு] அரசியல் கட்சிகள்

முதன்மைக் கட்டுரை: கனடா அரசியல் முக்கிய நடுவண் அரசியல் கட்சிகள்:

[தொகு] சட்டம்

முதன்மைக் கட்டுரை: கனடாவின் சட்ட அமைப்பு

The Supreme Court of Canada in Ottawa, west of Parliament Hill

கனடாவின் அரசியலமைப்பு சட்டம் அதன் மத்திய மாகாண அரசுகளின் அதிகாரங்களையும் கடமைகளையும் வரயறைசெய்து, சட்ட உருவாக்க வழிமுறைகளையும் விபரிக்கின்றது. மாகாண அரசுகள் உள்ளூர் அரசுகளின் அதிகாரங்களையும் கடமைகளையும் வரையறைசெய்கின்றன. அரசுகள் தகுந்த வழிமுறைகளுக்கமைய சட்டங்களை உருவாக்கி அமுல்படுத்துகின்றன.

கனடாவின் நீதியமைப்பு (Juicial System) சட்டங்களை புரிந்து அமுலாக்குவதில் முக்கிய பங்கு வகிக்கின்றது. அரசியல் அமைப்பு சட்டத்தை மீறும் சட்டங்களை செல்லுபடியாமல் செய்யும் அதிகாரம் நீதியமைப்புக்கு உண்டு. கனடாவின் உச்ச நீதி மன்றமே நீதிக் கட்டமைப்பின் அதி உயர் அதிகாரம் கொண்டது.^[2]

[தொகு] நிர்வாகம்

கனடாவின் நிர்வாகத் துறை (public service or civil service) அரசை நிர்வகித்தல், சட்டத்தை அமுலாக்கல், மக்களுக்கு சேவைகள் வழங்கல் என பல வழிகளி முக்கியத்துவம் பெறுகின்றது. அரசியல் இடையூறுகளை மட்டுப்படுத்தி, ஊழல் அற்ற, திறந்த திறனான நிர்வாகத்தை தருவது வணிக நிறுவனங்களின் செயல்பாடுகளுக்கும் மக்களின் வாழ்க்கைக்கும் அவசியாமிகின்றது. ஒப்பீட்டளவில் கனடாவின் நிர்வாகத்துறை சிறப்பாக செயல்படுகின்றது.

[தொகு] மருத்துவ சேவை

1960 களில் கனடிய மக்கள் மருத்துவ தேவைகளை ஒரு சமூக பொறுப்பாக உணர்ந்தார்கள். இந்த தேவையை, உணர்வை 1964 Royal Commission on Health Services முடிவுகள் வெளிப்படுத்தியது. இந்த Commission செய்த பரிந்துரைகளுக்கு ஏற்ப The Medical Care Act 1966ம் ஆண்டு நிறைவேற்றப்பட்டது. இதற்கமைய தனிமனித மருத்துவ செலவுகள் சமூகத்தால் பகிர்ந்துகொள்ளப்பட்டது. மருத்துவ சேவைகள் அரசினால் வழங்கப்படலாயிற்று. அனைவருக்கும் ஒரே தரம் உள்ள சேவைகள் வழங்கப்பட வேண்டும் என்பதில் இச் சட்டம் மிகவும் அவதானமான உறிதியான வரையறைக்களைக் கொண்டிருக்கின்றது. குறிப்பாக பணம் படைத்தோர் queue தாண்டிச் சேவைகளை பெறுவற்கு இச்சட்டம் இடம்கொடுக்கவில்லை.^[3]

இன்று, அதிகரிக்கும் மருத்துவச் செலவுகளும், முதுமையடையும் சமூகத்தின் அதிகரிக்கும் மருத்துவ தேவைகளும், கனேடிய மத்திய மாகாண அரசுகளை இறுகிய நிலைக்கு இட்டுசென்றுள்ளன. தனியார் சேவைகள், பணம் உடையோர் தனியார் சேவைகள் பெறுவதற்கு அனுமதி, தனியார் அரச கூட்டு சேவையமைப்பு போன்ற கொள்கைகள் இன்று சிலரால் முன்னிறுத்தப்படுகின்றனர். எனினும் பெரும்பான்மையான கனடிய மக்கள் மருத்துவ சேவைகள் சமூகத்தின் பொறுபே என்றும் பிரதானமாக அரசே வளங்கவேண்டும் என்ற கருத்துடையவர்கள்.

[தொகு] கல்வி

கனடாவில் எழுத வாசிக்க தெரிந்தோர் 95% மேலாகா மதிப்பிடப்படுகின்றது.[4] இங்கு 42.5% மக்கள் மேல்நிலைக் கல்வியை (some form of post secondary education) பெற்றுள்ளார்கள்.[5] கனடாவில் கல்வியை அடிப்படைக் கல்வி (elementary (Kindergarden - Grade 8)), உயர்கல்வி (secondary (Grade 9-12)), மேல்நிலைக்கல்வி (post secondary: undergraduate, trade, post graduates) என்று பிரிக்கலாம். அடிப்படைக்கல்வியும் உயர்கல்வியும் அரச, தனியார் துறைகளால் வழங்கப்படலாம், ஆனால் மேல்நிலைப் பல்கலைக்கழக படுப்புக்களை அரசே வடிவமைத்து செயல்படுத்துகின்றது. அடிப்படைக் கல்வியும் உயர் கல்வியும் அனைவருக்கும் பொது அரச பாடசாலைகளில் முற்றிலும் இலவசாக வழங்கப்படுகின்றது. பெரும்பான்மையான மாணவர்கள் அரச பாடசாலைகளுக்கே செல்கின்றார்கள், தரமும் நன்றாக அமைகின்றது. மிகவும் பொருளாதார வசதி படைத்தோரும், சமய சார்பினர் சிலரும் தனியார் பாடசாலைகளை நடத்துக்கின்றார்கள். மேல்நிலைக் கல்வி அரசே நடத்தினாலும் மாணவர்களும் குறிப்பிடத்தக்க செலவை tutuion fees ஆக பங்களிக்கவேண்டும். இவை தவிர மத்திய அரசின் நேரடி நிர்வாகத்தில் பாதுகாப்பு துறைக்கென முற்றிலும் இலவசமான மேல்நிலைக் கல்விக்கூடங்கள் உண்டு. அரசு கல்வியை சமூக பொருளாதார முன்னேற்றத்துகும் நீதிக்கும் சமத்துவதுக்கும் முக்கியமான ஒரு கருவியாக கருதி வழங்கி வருகின்றது.

[தொகு] வெளியுறவுக் கொள்கைகள்

முதன்மைக் கட்டுரை: கனடாவின் வெளியுறவுக் கொள்கைகள்

கனடாவின் வெளியுறவுக் கொள்கையில் அதன் அண்டை நாடான அமெரிக்காவுடனான உறவே அதிமுக்கியத்துவம் பெறுகின்றது. கனடாவும் அமெரிக்காவும் உலகின் நீண்ட மதில்கள் அற்ற எல்லையை கொண்டுள்ளன. இரண்டு நாடுகளும் அவற்றவறின் பெரிய வணிக உறவு நாடுகளாக இருக்கின்றன. மேலும், வடஅமெரிக்க திறந்த வணிக வலய ஒப்பந்தம் ஊடாக கனடா அமெரிக்கா மெச்சிக்கோ ஆகிய நாடுகளுடன் ஒரு இறுக்கமான நட்பான தொடர்பை பேணி வருகின்றது.

கனடா தென் அமெரிகாவுடன் மேலும் வலுவான உறவை விரும்புகின்றது. அமெரிக்கா கொள்கைகளி இருந்து விலகி கியுபாவுடன் கனடா நட்புறவு வைத்திருக்கின்றது. மேலும், கனடா joined the Organization of American States (OAS) in 1990 and hosted the OAS General Assembly in Windsor in June 2000, and the third Summit of the Americas in Quebec City in April 2001.

கனடாவுக்கும் பிரட்டன் பிரான்ஸ் நாடுகளுக்குமிடையான வரலாற்று பிணைப்பு இன்றும் வலுவாக நீடித்து வருகின்றது. கனடா Commonwealth of Nations and La Francophonie உறுப்பு நாடாகம். மேலும், கனடாவுக்கும் ஐரோப்பாவுக்குமிடையான தொடர்பு NATO, G8 ஊடாக வலுவானது.

கனடாவுவின் மேற்கு எல்லை பசுபிக் பெருங்கடல் ஆகும். அதனால் கனேடிய பசுபிக் நாடுகளுடான தொடர்பும் நீண்ட வரலாற்றைக் கொண்டது. கனடா Asia-Pacific Economic Cooperation ஒரு உறுப்பு நாடாகும். கனடாவுக்கும் சீனாவுமிடையான வணிகமும் அதிகரித்து வருகின்றது.

இன்று, கனடாவின் பல்நாட்டு குடிவரவாளர்களின் உதவியுடன் தெற்கு ஆசியா, மத்திய ஆசியா, மேற்கு ஆசியா, ஆபிரிக்கா நாடுகளுடான தொடர்பை மேம்படுத்த முனைகின்றது. சுனாமிக்கு உதவிய நாடுகளிலும், ஆபிர்க்காவுக்கும் உதவும் நாடுகளிலும் கனடா முன்னிற்ப்பது குறிப்பிடத்தக்கது.

[தொகு] பாதுகாப்புக் கட்டமைப்பு

முதன்மைக் கட்டுரை: கனடாவின் பாதுகாப்புக் கட்டமைப்பு

கனடாவின் பாதுகாப்புப் படை தரை, கடல், ஆகாய, சிறப்பு படையணிகளை கொண்டுள்ளது. இவையனைத்தும் ஒரு கூட்டு கட்டமைப்புக்குள் ஒழுங்கமைக்கப்பட்டுள்ளது. படைகளின் அதி உயர் இராணுவ அதிகாரி பாதுகாப்பு பணியாளர்களின் தளபதி ஆவார். இவர் பாதுகாப்பு அமைச்சருக்கும், அமைச்சர் பிரதமருக்கும் பொறுப்பு உடையவர்கள்.

கனடா கூட்டமைப்பு பின்பு பொர் யுத்தம், உயுI, உயுII, கொரிய யுத்தம், குவைத் யுத்தம் ஆகியவற்றில் பங்கெடுத்தது. 1960 களின் பின்பு கனேடிய படைகள் பெரும்பாலௌம் சமாதானப் படைகளாக பல நாடுகளுடன் கூட்டமைப்புகளிலோ அல்லது ஐக்கிய நாடுகளின் அங்கத்துவ நாடாகவோ பணியாற்றி வருகின்றன. தற்போது கனேடிய படையணிகள் கொசாவிலும் ஆப்கானிஸ்தானிலும் பணியாற்றி வருகின்றன. ஆப்கானிஸ்தானில் 35 கனேடிய வீரர்களுக்கு மேல் இதுவரை இறந்துள்ளார்கள்.

கனடா உயுII முடிவில் உலகின் பலம்மிக்க படைகளின் ஒன்றாக இருந்தது. இன்று ஒப்பீட்டளவில் கனடாவின் பாதுகாப்பு படை மிகவும் சிறியது. கனடா அமெரிக்காவின் நட்புறவு நாடாக அருகாமையில் இருப்பதாலும், NATO NORAD ஆகியவற்றின் உறுப்பினராக இருப்பதாலும் அதன் பாதுகாப்பு படை பெரிதாக இருக்கவேண்டிய தேவை இல்லை எனலாம். இன்று, கனடா பொதுவாக பல்நாட்டு கூட்டமைப்பின் அங்கமாகவே போரில் ஈடுபடும் கொள்கையை பெரும்பாலும் கொண்டிருக்கின்றது. எனினும் வியற்நாம் யுத்ததிலும் இராக் யுத்ததிலும் அமெரிக்க படைக் கூட்டமைப்பில் சேர மறுத்தது குறிப்பிடத்தக்கது.

[தொகு] சமூகம்

[தொகு] மக்கள் வகைப்பாடு

கனடா இரண்டாவது பெருய நாடாக இருந்தாலும் ஒப்பீட்டளவில் சிறிய மக்கள் தொகையையே கொண்டது. கனடா புள்ளிவிபரத்திணைக்கள 2001 மக்கள் தொகைமதிப்பு அறிக்கையின் படி 30,007,094 மக்கள் இங்கு வசிக்கின்றார்கள். இன்றைய உத்தேச மதிப்பீடு 32.5 மில்லியன் மக்கள் தொகை ஆகும். மக்கள் தொகை ஏற்றம் குடிவரவாளர்களாலேயே நிகழ்கின்றது.

[தொகு] சமூக அமைப்பு

முதன்மைக் கட்டுரை: கனடாவின் சமூக அமைப்பு

கனேடிய சமூக அமைப்பின் கட்டமைப்பை நோக்கினால், ஆங்கிலேயர்களே (ஐக்கிய இராச்சியத்தில் இருந்து வந்தவர்கள்) பணவசதி, அரசியல் அதிகாரம், சமூக முன்னுரிமை கொண்டவர்களாக விளங்குகின்றார்கள். அவர்களுக்கு அடுத்து, பிற ஐரோப்பியர்களும், யூதமக்களும் விளங்குகின்றார்கள்.

கனடாவிற்கு குடியேறிய ஆங்கிலேயர்களில் குறிப்பிடத்தக்க விழுக்காட்டினர், அமெரிக்கர்களை போலன்றி இங்கிலாந்துக்கு சார்பானவர்கள் (Loyalists) என்பது குறிப்பிடத்தக்கது. இவர்கள், இங்கிலாந்து சமூக கட்டமைப்பின் மேல்வர்க்கம் எனலாம். மேலும், அமெரிக்கப் புரட்சியின் போது இங்கிலாந்துக்கு சார்பானோர் இங்கு வந்து குடியேறினர்.

தனியார் கல்விக்கூடங்கள், அரசு, வர்த்தகங்கள் மற்றும் ஊடகங்களை தங்கள் ஆளுமைக்குள் உட்படுத்துவதன் மூலம் அதிகார வர்க்கத்தினர் தங்களை நிலை நிறுத்திக் கொள்கின்றார்கள். மிகச் சிறிய எண்ணிக்கையான குடும்பங்களே கனடாவின் பெரும்பான்மையான செல்வத்தை கொண்டிருக்கின்றார்கள். மேலும், கனடிய சமூகத்தில் இருக்கும் ஏற்றத்தாழ்வு அமெரிக்காவில் இருக்கும் ஏற்றத்தாழ்வை விட பெரியது என்பதும் குறிப்பிடத்தக்கது.

பொதுவாக, கனடாவிற்கு புதிதாக குடிவரும் சமூகம் அடிமட்ட பொருளாதார அடுக்கமைவில் இடம் வகிக்கும். நாளடைவில் பெரும்பாலானோர் பொது நீரோட்டத்தில் இணைவதற்கு வாய்ப்புகள் பல உண்டு. எனினும் சில சமூகங்கள் இதற்கு விதிவிலக்காக அமைவதும் உண்டு.

கனேடிய தொல்குடிகள் மிகவும் பின் தங்கிய சமூகங்களில் ஒன்று. தொல்குடிகள், ஐரோப்பியர் வருகையால் மிகவும் பாதிக்கப்பட்டு சுரண்டப்பட்டவர்கள் ஆவார்கள். இவர்களுக்கு தற்போது பல சிறப்புச் சலுகைகள், உரிமைகள் இருந்தாலும் இவர்கள் இன்னும் ஒரு பின் தங்கிய நிலையிலேயே இருக்கின்றார்கள்.

[தொகு] இனப் பாகுபாடு

கனடாவின் 80% மேற்பட்ட மக்கள் ஐரோப்பிய வெள்ளை இன மக்கள் ஆவார்கள். எனினும் இவர்களுக்குள் பல இனங்கள் உண்டு. ஆங்கிலேயர், பிரேஞ், ஸ்கோற்ரிஸ், ஐரிஸ், யேர்மன், இத்தாலியன், யுக்கிரேனியன் என பல இனங்களாக இவர்கள் தங்களை தனித்துவப்படுத்துவர். கனடாவில் 13.4 வீதத்தினர் அடையாளம் காணக்கூடிய சிறுபான்மையினர் (visible minorities) என்றும், 3.4 வீதத்தினர் முதல் குடியினர் என்றும் மக்கள்தொகை கணிப்பீட்டில் குறிப்பிடப்பட்டிருக்கின்றது. சீனர்கள், கறுப்பர்கள், தெற்காசிய சமூகத்தினர் ஆகியோர் visible minorities என்ற வகைக்குள் அடங்குவர்.

[தொகு] கனடாவில் தமிழர்கள்

முதன்மைக் கட்டுரை: கனேடியத் தமிழர்

ஏறக்குறைய 250 000 தமிழர்கள் கனடாவில் வசிப்பதாக பொது ஊடகங்கள் தெரிவிக்கின்றன, எனினும் தெளிவான ஒரு புள்ளி விபரம் இன்னும் கணக்கிடப்படவில்லை. பெரும்பாலன தமிழர்கள் ரொறன்ரோ நகரத்திலேயே வசிக்கின்றார்கள். பிறரும் மொன்றியால், வன்கூவர், கல்கிறி போன்ற பெரும் நகரங்களிலேயே வாழ்கின்றார்கள். இவர்களில் பெரும்பாலனவர்கள் 80 களின் பின்பு ஈழப் போராட்டம் காரணமாக இங்கு அகதிகளாக வந்து குடியுரிமை பெற்ற ஈழத்தமிழர்கள் ஆவார்கள்.

[தொகு] சமயப் பிரிவுகள்

கனடாவில் பல சமயத்தவர்கள் வாழ்கின்றார்கள். இவர்களில் 77.1 % கிறீஸ்தவ சமத்தவர்கள் ஆவார்கள். குறிப்பிடத்தக்க தொகையினர் 17% சமய சார்பு அற்றவர்கள். மிகுதி 6.3% வேறு சமயங்களை பின்பற்றுகின்றார்கள்.

[தொகு] மொழிகள்

Multilingual Service Info

ஆங்கிலம், பிரேஞ்சு இரண்டும் ஆட்சி மொழிகளாகும். பிரேஞ்சு மக்களின் மொழிப் போரின் பின்னரே யூலை 7, 1969 அலுவல் மொழிச் சட்டம் ஊடாக கனடா முழுவதும் ஆட்சி மொழியானது. இதன் பின்னரே கனடா இருமொழி நாடாக அறியப்படலாயிற்று.

நூனாவுட் ஆட்சி நிலப்பகுதியில் இனுக்டிடூட் மொழி ஆட்சி மொழியாகும். இனுக்டிடூட் இனுவிற் முதற் குடிமக்களின் மொழியாகும். அம்மொழியை பேசும் மக்கள் 20 000 வரையில் இருந்தாலும், அவர்களுக்கும் அந்த மொழிக்கும் தரப்படும் மதிப்பும் அக்கறையும் குறிப்பிடத்தக்கதாகும்.

இனுக்ரிருற் மொழியின் எழுத்து வடிவம் (முதல் வரிசை)

ஆங்கிலத்தை 59.7% மக்களும், பிரேஞ்சை 23.2% மக்களும் தங்கள் தாய்மொழியாக கொண்டுள்ளார்கள். கனடா ஒரு பல்பண்பாடு நாடாக இருந்தாலும் நாட்டின் ஒவ்வொரு குடிமையும் ஒரு ஆட்சி மொழியையாவது அறிந்திருக்க வேண்டும் என எதிர்பார்க்கப்படுகின்றது. அதனால், 98.5% மக்களுக்கு எதோ ஒரு ஆட்சி மொழியில் பேச முடியும்.

ஆட்சி மொழி அல்லாத மொழிகளுக்கும் தகுந்த முக்கியத்துவம், மதிப்பு, சுதந்திரம் வழங்கப்படுகின்றது. ஆட்சி மொழியற்ற ஒரு மொழியை 5,202,245 மக்கள் தங்கள் தாய் மொழியாக கொண்டுள்ளார்கள். உதாரணமாக, ஒரு குறிப்பிட்ட மக்கள் செறிந்து வாழும் ஒரு இடத்தில் அந்த மொழியில் சமூக சேவைகள் பெற, அந்த மொழியை கற்க, பாதுகாக்க உதவ அரசு முற்படுகின்றது. சீன, இத்தாலியன், யேர்மன், பஞ்ஞாபி மொழிகள் இவ்வகையில் குறிப்பிடத்தக்க மக்களால் பயன்படுத்தப்படுகின்றது.

[தொகு] பண்பாடும் வாழ்வியலும்

முதன்மைக் கட்டுரை: கனடாவின் பண்பாடு

அடிப்படையில் கனடாவின் பண்பாடு மேற்கத்தைய பண்பாடே. குறிப்பாக ஆங்கில, பிரேஞ்சு, ஐரிஸ், ஸ்கொரிஸ் ஆகிய ஐரோப்பிய பண்பாட்டு கூறுகளால் ஆனது. இது தவிர முதற்குடிமக்களின் சில பண்பாட்டு கூறுகளையும் உள்வாங்கியது. 1960'ன் பின்பு பல்வேறு நாடுகளில் இருந்து வரும் குடிவரவாளர்காளால் () ம் ஆண்டு கனடா ஒரு பல்பண்பாட்டு நாடாக அதிகாரபூர்வமாக அறிவிக்கப்பட்டது.

The Royal Canadian Mounted Police are the federal and national police force of Canada and an international icon. Seen here at Expo 67.

Native Canadian Dancer

பல்பண்பாட்டு கூறுகளை அனுமதித்து உள்வாங்கினாலும் popculture அமெரிக்க பண்பாட்டையே ஒத்து இருக்கின்றது. தொலைக்காட்சி, திரைப்படம், இலக்கியம், இசை, உணவு, விளையாட்டு என பொது வாழ்வியல் அம்சங்கள் அனைத்தும் அமெரிக்ககாவையே பிரதிபலிக்கின்றது. இது கனேடிய மக்களும், கனேடிய அரசின் பண்பாட்டு அமைச்சும் அடிக்கடி அலசும் ஒரு விடயம். இங்கு கனேடிய கலைஞர்கள் இசை, comedy போன்ற துறைகளில் அமெரிகாவில் அதிகளவில் செல்வாக்கு செலுத்துவது குறிப்பிடத்தக்கது.

கனேடிய பண்பாடு அமெரிக்காவை பலவழிகளில் ஒத்து இருந்தாலும் முக்கிய வழிகளில் வேறுபடுகின்றது. கனடாவின் குளிர் சூழல் மற்றும் பரந்த இயற்கையமைப்பு ஒரு வித தனித்துவமான பண்பாட்டு உருவாகுவது ஏதுவாகின்றது. கடும் குளிர் மக்கள் ஒவ்வொருவரும் மற்றவரில் தங்கியிருப்பதை உணர்த்தி ஒத்துபோகும் போக்கை உருவாக்குகின்றது. மேலும், குளிர்கால விளையாட்டுக்களான ஐஸ் கொக்கி, skiing ஆகியவை கனேடிய அடையாளத்தின் வாழ்வியலின் முக்கிய அம்சங்கள்.

அமெரிக்காவில் கணிசமானோர் தீவர கிறிஸ்தவ சமய போக்கை பின்பற்றுகின்றார்கள். மாற்றாக கனடாவில் சமயம் பொது வாழ்வியலில் முக்கியத்துவம் பெறுவதில்லை. புள்ளி விபரப்படி 17% கனேடியர்கள் சமயசார்பு அற்றவர்கள். கனடா பண்பாடு பெரும்பாலும் secular தன்மையுடையது. மேலும், இங்கு ஒரே பால் திருமணங்கள் சட்ட பூர்வமானவை, அவர்களுக்கும் அனைத்து உரிமைகளும் உண்டு.

[தொகு] விளையாட்டு

முதன்மைக் கட்டுரை: கனடாவில் விளையாட்டு

கனடாவில் விளையாட்டுக்களை மூன்று வகைப்படுத்தலாம். அவை குளிர்கால விளையாட்க்கள், கோடை கால விளையாட்டுக்கள், indoor விளையாட்டுக்கள். குளிர்காலத்தில் விளையாடப்படும் ஐஸ் கொக்கி கனடாவின் குளிர்கால தேசிய விளையாட்டு ஆகும். வேறு எந்த விளையாட்டையும் விட இதுவே கனடிய அடையாளத்துடன் பண்பாட்டுடன் பின்னியிணைந்தது. இந்த விளையாட்டில் கனடியர்கள் உலகின் மிகச்சிறந்த விளையாட்டு வீரர்களாக திகழ்கின்றார்கள். கனடியர்கள் யார் என்பதை வரையறை செய்வதில் இந்த விளையாட்டு ஒரு முக்கிய களமாக இருக்கின்றது. இவை தவிர குளிர்கால விளையாட்டுக்களான skating, sking, skate boarding போன்ற குளிர்கால விளைட்டுக்களும் பிரபல்மானவை.

கோடைகாலத்தில் லக்ரோஸ் (எறிபந்து?), கனடிய காவுபந்து (Canadian football), baseball, கால்பந்து, cricket ஆகிய விளையாட்டுக்கள் விளையாடப்படுகின்றன. லக்ரோஸ் கனடாவின் தேசிய கோடைகால விளையாட்டு ஆகும். கனடாவின் முதற்குடிமக்களின் விளையாட்டுக்களில் ஒன்று, மிகவும் பிரபலமாகி வருகின்றது. கால்பந்து பரவலாக விளையாடப்படுகின்றது, ஆனால் மட்டைப்பந்து விளையாடுவது வெகுகுறைவு.

கூடைப்பந்து, curling உட்பட பலதரப்பட்ட வேறு விளையாட்டுக்களும் விளையாடப்படுகின்றன. கூடைப்பந்து கனடியர் ஒருவரால் உருவாக்கப்பட்டது என்பது குறிக்கத்தக்கது. Curling is quintessentially a Canadian sport.

பொதுவாக கனடா குளிர்கால ஒலிம்பிக் போட்டிகளில் கோடைகால போட்டிகளிலும் பார்க்க கூடிய பதக்கங்களை எடுக்கும்.

[தொகு] ஊடகத்துறை

கனடா வளர்ச்சி பெற்ற ஊடத்துறையை கொண்டுள்ளது. ஆரோக்கியமான அரச ஓளி/ஒலி பரப்பு தாபனங்களையும், தனியார் துறையையும் கொண்டுள்ளது. கனடாவில் பல தொலைக்காட்சி, சினிமா தாயிருப்பு இடம்பெறுகின்றது. ஆனால் அவை பெரும்பாலும் அமெரிக்க பொது நுகர்வோருக்காகவே எடுக்கப்படுகின்றன. The Globe and Mail, National Post என்ற இரு தேசிய பத்திரிகைகள் உண்டு, எனினும் The Toronto Star அதிக வாசகர்களை கொண்டது.

[தொகு] நாட்டின் குறியீடுகள்

கொடி - மேப்பிள் இலைக் கொடி
மிருகம் - பீவர்
பறவை - கோமன் லூன்
மரம் - மேப்பிள்
குளிர்கால விளையாட்டு - ஐஸ் கொக்கி
கோடைகால விளையாட்டு - லக்ரோஸ்

[தொகு] அரசியல், சமூக, பொருளாதார, சுழலியல் பிரச்சினைகள்

கனடாவில் வீடுடற்றோர்

கனடா வளர்ச்சியடைந்த ஒரு நாடாக இருந்தாலும், அந்த நிலையை தக்கவைக்கவும் மேலும் வளரவும் பல்வேறு பிரச்சினைகளை எதிர் நோக்குகின்றது.

[தொகு] இதர தகவல்கள்

Voltage: 120 V / 60 Hz
Cellular Frequency:
Cellular Technology:
Measuring System: SI or System International
Canadian postal code: ANA NAN

[தொகு] விடுமுறை மற்றும் கொண்டாட்ட நாட்கள்

புத்தாண்டு விடுமுறை (யனவரி 01)
காதலர் நாள் (வலன்ரைன்ஸ் தினம் - Valentine's Day) (பெப்ரவரி 14)
பெரிய வெள்ளி - Good Friday (ஏப்ரல் 09)
Easter Monday (Apr 12)
அம்மாவின் நாள் (மே 09) (அரச விடுமுறை அல்ல)
விக்ரோறியா நாள் (மே 24)
அப்பாவின் நாள் (யூன் 20) (அரச விடுமுறை அல்ல)
கனடா நாள் (யூலை 01)
Civic (ஆகஸ்ட் 02)
பேரன்பேர்த்திகள் நாள் (செப்ரம்பர் 12) (அரச விடுமுறை அல்ல)
நன்றிதெரிவிக்கும் நாள் - Thanksgivng day (ஒக்ரோபர் 11)
கலோவீன் - Halloween (ஒக்ரோபர் 31)
நினைவுமீட்டல் நாள் - Remembrance Day (நவம்பர் 11)
கிறிஸ்மஸ் (டிசம்பர் 25)
பொக்சிங் நாள் - Boxing Day (டிசம்பர் 26)

[தொகு] படிமங்கள்

A geopolitical map of Canada, exhibiting its 13 first-order subnational divisions

[தொகு] சர்வதேச மதிப்பீடுகள்

Organization	Survey	Ranking
A.T. Kearney/Foreign Policy Magazine	Globalization Index 2005	14 out of 111
IMD International	World Competitiveness Yearbook 2005	5 out of 60
The Economist	The World in 2005 - Worldwide quality-of-life index, 2005	14 out of 111
Yale University/Columbia University	Environmental Sustainability Index, 2005 (pdf)	6 out of 146
Reporters Without Borders World-wide	Press Freedom Index 2005	21 out of 167
Transparency International	Corruption Perceptions Index 2005	14 out of 159
Heritage Foundation/The Wall Street Journal	Index of Economic Freedom, 2006	12 out of 157
ஐக்கிய நாடுகள் சபை	மனித வளர்ச்சி சுட்டெண்ணின் படி நாடுகளின் பட்டியல்	177 இல் 5 ஆவது

1980 க்கும் 2004 இடைப்பட்ட காலத்தில் உலகில் வசிப்பதற்கு அதிசிறந்த நாடாக 10 தடவைகள் மனித வளர்ச்சி சுட்டெண் அடிப்படையில் ஐக்கிய நாடுகள் சபையால் அறிவிக்கப்பட்டது. [6]

[தொகு] ஆதாரங்கள்

மு. அப்பாஸ் மந்திரி. (2001). உலக நாடுகளும் விவரங்களும். சென்னை: குட்புக்ஸ் பதிப்பகம்.
Ronald C. Kirbyson and others. (1983). Discovering Canada: Shaping an identity. Scarborough: Prentice-Hall Canada Inc.
Kenneth Norrie and Douglas Owram. (1996). A History of the Canadian Economy. Toronto: Harcourt Bruce.
Richard Pomfret. (1993). The Economic Development of Canada. Scarborough: Nelson Canada.
W. Trimble. (1983). Understanding the Canadian Economy. Toronto: Copp Clark Pitman Ltd.

[தொகு] மேற்கோள்கள்

↑ 27. This Charter shall be interpreted in a manner consistent with the preservation and enhancement of the multicultural heritage of Canadians. en:Section Twenty-seven of the Canadian Charter of Rights and Freedoms; "Multiculturalism has served as a codified Canadian value and policy framework since 1971,when the country expanded its bicultural policy - which recognized the quality of the English and French cultures in the development of the nation - to include respect for and protection of the full spectrum of the country's citizens. The passage of the Canadian Multiculturalism Act in 1988 further provided a comprehensieve legislative structure for the country's emerging multicultural identity." State of World cities 2006/7
↑ The Canadian Judicial System http://www.scc-csc.gc.ca/AboutCourt/system/index_e.asp
↑ Kenneth Norrie and Douglas Owram. (1996). A History of the Canadian Economy. Toronto: Harcourt Bruce. பக்கம் 432.

[தொகு] வெளி இணைப்புகள்

[தொகு] தமிழ்

[தொகு] உத்யோகபூர்வ வெளி இணைப்புகள் - ஆங்கிலம்/பிரேஞ்சு

[தொகு] ஆங்கிலம்

ஜி8
கனடா \| பிரான்ஸ் \| ஜெர்மனி \| இத்தாலி \| ஜப்பான் \| ரஷ்யா \| ஐ.இ \| ஐ.அ.மா

"http://ta.wikipedia.org../../../%E0%AE%95/%E0%AE%A9/%E0%AE%9F/%E0%AE%95%E0%AE%A9%E0%AE%9F%E0%AE%BE.html" இலிருந்து மீள்விக்கப்பட்டது

பக்க வகைகள்: கனடா | வட அமெரிக்க நாடுகள்