Évariste Galois
Da Wikipedia.
 Matemàtich. A nass a Bourg-la-Reine ij 25 d'otóber 1811. As passion-a a la matemàtica a quìndes agn. A les coma 'n romanz j'Éléments de géométrie ëd Legendre e j'euvre ëd Lagrange e d'Abel. Malgré soa genialità, ij sò professor a lo pijo pa an sël serio e a lo consìdero mach n'originalon ambissios. A faliss doe vire ël concors d'intrada a l'École polytechnique e ant ël 1828 a intra a l'École normale supérieure. Ël malor a smija acanisse contra 'd chiel: un sò artìcol mandà a l'Academia dle siense a l'é consignà a Cauchy për ch'a lo esamina e chiel a lo perd; n'àotra soa memòria mandà a l'Academia dle siense a l'é dàita a Fourier, ma chiel-sì a meuir sùbit dòp e gnun a treuva pì ël manoscrit. Pes che tut, sò pare as massa. Soe delusion a lo posso sempe 'd pì vers l'ampegn polìtich e ant ël 1830 as fà baré fòra da l'École normale. An efet, republican avisch, a l'avìa aderì a j'Amis dël pòpol e a l'era angagiasse ant ij batajon dla vardia nassional, an pijand part ativa aj batibeuj arvolussionari ëd luj 1830. Soe posission estremiste contra Luis-Filip a lo fan ampërzoné për vàire mèis. A meuir ij 31 ëd maj 1832 a Paris, séguit a 'n duel dont le càose a son nen tant ciàire. A passa la neuit prima dël combatiment a scrive an pressa a sò amis Chevalier na litra andoa a archeuj soe idèje matemàtiche. Ant ël 1846 Liouville a rangia vàire memòrie e frament ëd manoscrit ëd Galois, ansema a la litra a Chevalier, e a-i pùblica an sò Journal de Mathématiques. Sòn a përmet a j'idèje ëd Galois dë spantiesse e d'arvelesse an tuta soa genialità. [modìfica] Sò travajDël 1829 a pùblica n'artìcol ans le frassion contìnoe anté ch'a dimostra un teorema elegant ans le rèis dn'equassion algébrica ëd grad qualsëssia. [modìfica] A pòrto sò nòm
|
 E be'? :) È facile imparare a leggere una lingua che si parla già. Consulti questa pagina e vedrà, in un attimo anche Lei avrà il suo badge da bogianen :)
SE LEER! ¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)
 a lese e a scrive mej an piemontèis, e che an fan d'arferiment a tùit për la coression ortogràfica dij test ant sle pàgine marcà koiné piemontèisa.  E che a manca pa dë vardesse la pàgina d'agiut për chi as anandia da zero. |
