Teikneserie
Frå Wikipedia – det frie oppslagsverket
Teikneseriar er ein form for litteratur der historiar som blir fortalde ved hjelp av ein serie bilder. Mange teikneseriar har òg tekst som hjelper til med å få fram handlinga. Me rekner gjerne teikneseriar med til media og underhaldningsindustrien, men ein del av dei blir òg rekna som kunst.
Innhaldsliste |
[endre] Historie
Ein kan sjå døme på eldgamle teikneseriar i holemaleri frå steinalderen som mellom anna viser jaktscenar frå dagleglivet deira. Det er ofte lett å gjetta seg til handlinga sjølv om me ikkje veit nøyaktig kva skaparane tenkte. Fleire gamle sivilisasjonar fortalde òg historiar ved hjelp av bilder, som i pyramideteikningane frå det gamle Egypt.
[endre] Teikneserieindustrien
I moderne tid har ein fått teikneseriar som blir masseproduserte og gjeve ut på papir. Dei er populære blant barn og ungdom, men mange seria blir òg lesne av vaksne. Teikneseriar har gjerne enkle strekteikningar, men kan òg vera svært kunstnerisk utførde.
Den moderne teikneserieproduksjonen kjem frå USA, som har gjeve verda både vitseseriar som Knøttene og Dilbert, og eventyrseriar som Donald Duck og Fantomet. Også europeiske land som Frankrike og Belgia har skapt fleire verdskjende seriar, som Asterix, Tintin og Lucky Luke. Japan har òg ein stor teikneserieproduksjon av såkalla manga, som nyleg er blitt svært populær i resten av verda.
[endre] Levande teikneseriar
Med utviklinga av filmen kunne ein òg laga teikningar som rørte på seg, og teiknefilmar blei ei populær form for underhaldning.
