San Francisco
From Wikipedia
San Francisco (ook San Franzisko) is mit 776.773 Inwahners de veertgröttste Stadt vun de US-amerikansche Bunnsstaat Kalifornien.
Inholtsverteken |
[Ännern] Geografie
San Francisco liggt in'n Noorden vun Kalifornien an de San Francisco Bay an de Küst vun'n Pazifik. Dorüm is dat Klima ook dat heele Johr dör sünnerlich mild mit koolen Sommern fast ahn Regen un warmen Wintern.
De Stadt is blangen de San-Andreas-Verwerfung un is dorüm een Risikorebeet för Eerbeben.
[Ännern] Inwahners
San Francisco hett no de Zensus vun 2000 776.773 Inwahners. Mit 6.400 Inwahners pro Quadratkilometer is de Stadt en vun de Städer mit de gröttste Inwahnerdicht vun de USA. 50 % vun de Inwahners sünd Witte, 31 % Asiaten, 14 % Latien-Amerikaners un 8 % Swatte.
[Ännern] Historie
Freuher leeven de de Indianer vun den Stamm vun de Muwekma Ohlone in de Bucht vun San Francisco.
1776 keemen de eersten Europäer in dat Rebeet, in dat hüüt de Stadt liggt. Dat weern spansche Missionaren, de en Kark but un eer Siedlung no Franz vun Assisi San Francisco de Asís naam hebbtt.
Dör de Mexikansch-Amerikansch Orlog keem de Stadt 1846 in'n Besitt vun de USA. In de Kalifornsch Goldruusch, de 1848 anfungen hett, prospereerte de Stadt un wuss dörbi vun üm 900 op över 20.000 in een Jahr.
An'n Morgen vun de 18. April 1906 weer de Stadt vun en Eerbeben un en Füer, dat dör dat Beben utlöst weer, toschannen komen. Meest ward de Antahl vun Doodsoppern op 700 taxeert, en poor Bornen spreken vun en dree- bit veermol högere Tahl.
1945 weer de Charta vun de Vereenten Natschoonen hier entworpen.
In de 1960er vun dat 20. Johrhunnert weer de Stadt en Zentrum vun alternativ Bewegungen as de Hippies. De Hippiebewegung hett 1967 in'n Summer of Love eern Höögpunkt in de Stadt. Sünnerlich de Studenten vun de University of California in Berkeley hebbt dor Influss hebbt.
Siet de 1970er weer de Stadt ook en Zentrum vun Homosexuelle, sünnerlich in de Castro District. De Stadt gilt bit hüüt as "de" homosexuell Stadt vun de USA.
To'n Enn vun dat 20. Johrhunnert weern de Stadt un dat Silicon Valley blang de Stadt Zentrum vun de Informationstechnik.
[Ännern] Seihnswürdigkeeten
- Exploratorium (Science Center)
- Golden Gate Park
- Golden Gate Bridge
- Telegraph Hill mit Coit Tower
- Hoben un Fisherman's Wharf
- Alcatraz
- Cable Car (Straatenbohn)
- Transamerica Pyramid
- Lombard Street
- Painted Ladies
[Ännern] Sport
San Francisco hett twee groote Sportteams:
- San Francisco 49ers (American Football)
- San Francisco Giants (Baseball)
