Железно доба

Од Википедија, слободна енциклопедија

ВНИМАНИЕ
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.

Како хронолошка одредница за почетокот на железното време се земаат последните векови од вториот милениум пне., те. околу 1200 г. пне. Оваа дата е во врска со значајните претумбации кои во тој период го потресле поголемиот дел од медитеранскиот простор т.н. егејски преселби. Поместувањето трае отприлика се до VIII век пне. кога настанува дефинитивно стабилизирање на племињата во географски аспект. Железното време во Р. Македонија според М. Гарашанин е поделено на: рано железно време I и II кое го покрива периодот до VI век пне. и железно време III кое го опфаќа крајот на VI век пне. кога најголемиот дел од Македонија пред се го губи праисторискиот карактер во материјалната култура. Територијата на Р.М. наоѓајќи се во централно-Балканскиот регион не претставувала географска, културна, етничка средина која била затворена и изолирана. Истата трпела влијание од другите културни групи од соседните простори. Долините на Вардар и другите реки претставувале особена комуникација меѓу север и југ те. помеѓу средна Европа и Егеј. Со рекогносцирање евидентирани се железнодобски населби сместени на високи и потешко пристапни места. За разлика од населбите, некрополите се систематски истражувани и истите ги има во неколку типови: гробови под тумули, рамни некрополи и крајпатни гробови. Во Висои е истражен тумул со 44 гробни конструкции, а во Пелагонискиот регион исто така се евидентирани тумули кај селата Мојно, Орле и Чанчиште. Други локалитети од железното време се: Орлова Чука, Кунова Чука и Текешински лозја во источна Македнија. Во Охридската област познати се требенишките кнежевски гробови од VI век пне., потоа локалитетите кај селата Радолишта и Речица.

[уреди] Надворешни врски

• Студентско Археолошко здружение Аксиос