D'n Deelgaard
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Deelgaards, as te dit dialek sjpriks.
D'n Deelgaard (Nederlands Maria Hoop) is e dörp in de Nederlands-Limburgse gemeinte Ech-Zöstere, aon de grens mèt Duitsland, t'n oeste vaan Ech en Pej en te zuie vaan Mofert. Mèt oongeveer 1400 inwoeners is 't ein vaan de kleiner kerne in de gemeinte, allewel tot 't groondoppervlak 't groets vaan alle kerne is. Bij D'n Deelgaard huurt ouch de naobersjap D'n Echetrbós (Echterbosch). D'n Deelgaard heet 't karakter vaan e lintdörp.
D'n Deelgaard vörmp 'n zelfstendege parochie; besjèrmvrouw is Maria, Mojer vaan de H. Houp. 't Mis evels edere vörm vaan middestand. Bovedeen is de kern de leste jaore sterk vergrijs.
Bij D'n Deelgaard ligk 'ne kestielheuvel oet de twelfde iew, dee de Bolleberg geneump weurt en veural es arsjeologische vindplaots vaan importantie is. In 1931 kaom de plaots negatief in de publiciteit door 'ne miervajdege maord gepleeg door 'ne jaoger. De naom Maria Hoop is pas in 1953 ingeveurd; daoveur hètde de plaots officieel Diergaarde.