Ech
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Echters, as te dit dialek sjpriks.
Ech (Nederlands Echt) is 'n klein stad in de Nederlands-Limburgse gemeinte Ech-Zöstere. Ech is de hoofplaots en mèt oongeveer 19.300 inwoeners ouch de groetste plaots vaan Ech-Zöstere. 't Kerngebeed bedräög 75,13 km2. 't Heet 'n tertiair verzörgingsfunctie, mèt versjèllende oonderwies- en winkelfuncties. Petroenheilege is Sint-Landricus.
[bewirk] Aonziech
Belangriek monumint is de Sint-Landricuskèrk (zuug heineve), 'n vieftiende-iewse hallekèrk die in 1871 en 1872 woort oetgebouwd in neogotische stiel door Pierre Cuypers. De bijbehurenden torie woort in d'n Twiede Wereldoorlog zwoer besjaojeg en de spits is nao d'n oorlog in conevntioneel moderne stiel weer opgebouwd. Wijers kint de stad ouch e Karmelitessekloester oet 1879, boevaan de kapel ouch door Cuypers oontworpe is.
[bewirk] Historie
Ech kraog in 1343 stadsrechte vaan de graof vaan Gelder. Nao d'n Tachetegjäöregen Oorlog blaof 't in de Spaone, later Oosteriekse, Nederlen ligke, tot 't mèt de Vrei vaan Utrei in 1713 same mèt Venlo aon de Reubliek vaan de Zeve Vereinegde Nederlen woort euvergedraoge. 't Aajd stadsgebeed Ech woort bij de stiechting vaan 't Keuninkriek Nederland in 1815, es gemeinte gehandhaof: de dörper De Boesj (Koningsbosch), D'n Deelgaard (Maria-Hoop), Pej, Sjaelberg en Sint-Joeas woorte gein aparte gemeintes. In 2003 fuseerde Ech mèt de gemeinte Zöstere tot Ech-Zöstere.
[bewirk] Gebore in Ech
- H. Welters, (1839 -1887), sjriever
- Maud Hawinkels, presentatrice
