Christuskinneksfest
Vu Wikipedia, der fräier Enzyklopedie.
| Liturgescht Joer |
|---|
|
Um leschte Sonndeg am Kierchejoer (also eng Woch virum éischten Adventssondeg) feiert d'kathoulesch Kierch d'Fest vu Christus dem Kinnek. Dëst Fest huet eng kloer eschatologesch Dimensioun, well et – als Ofschloss vum Kierchejoer – d'Iwwerzeegung ausdréckt datt um Enn vun der Zäit de Jesus Christus ëremkënnt an d'Schöpfung zu hirer Vollendung féiert a vun do un als Kinnek herrsche wäert. D'Eegeschaften déi dësem Räich - no chrëschtlecher Virstellung - zoukommen, ginn och an der Präfatioun vun dësem Dag beschriwwen: "das Reich der Wahrheit und des Lebens, das Reich der Heiligkeit und der Gnade, das Reich der Gerechtigkeit, der Liebe und des Friedens".
Dëst Fest gouf 1925 vum Poopst Pius XI. agefouert zum 1600. Jubiläum vum Konzil vun Nizäa, an enger Zäit wou vill Monarchien an Europa zerfall sinn a wou sollt op d'Perennitéit (d.h. de Fortbestand) vu Christus als Herrscher higewise ginn.
