Juru Kotbah
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Bébas mawi basa Jawi
Kitab Juru Kotbah iku bagéyan saka Alkitab Prajanjian Lawas. Judul iki asalé saka basa Ibrani: Qoheleth. Dhasar tembung iki : Qahal, sing tegesé "pasamuan".
Sang Qoheleth kuwi harafiahé sawijining wong sing seneng kotbah ing sawijining pasamuan. Ing basa Inggris, kitab iki diarani (Ecclesiastes) saka basa Yunani sajroning kitab Septuaginta: Εκκλησιαστής. Tembung iki asalé saka tembung Yunani: Εκκλησία (Greja/jemuwah). Tegesé ya padha waé, wong sing kotbah ing pasamuan.
Isi kitab Juru Kotbah iku pangidhepan lan gagasan sawijining wong sing diarani 'Sang Pamikir'. Dadi isi kitab iki asifat falsafi. Dhèwèké mikir saresepé yèn uriping manungsa ing donya iku cekak. Tur akèh pacoban, barang-barang ora adil karo prakara-prakara liya sing ora gampang dimangertèni.
