Labrada, Abadín
Na Galipedia, a wikipedia en galego.
San Pedro de Labrada, a parroquia esta delimitada o Norte con O Cadramón (concello de O Valadouro) e Pereiro (concello de Alfoz), o Sur con Castromaior, Fanoi e Romariz, o Leste con Figueiras, mesmo concello de Mondoñedo e Romariz, o Oeste con A Costa, Corvelle (dentro do concello de Vilalba) e Montouto. Os documentos máis antigos nos que aparece a parroquia refirense o 1407 cando o bispo de Mondoñedo, Álvarez Núñez de Isorna, arrendou a Nuño Freire varios coutos da sua xurisdicción, entre eles Labrada. Ten 28 entidades de poboación, 9 lugares e 297 habitantes, sendo a densidade media de 8'1 hab/Km2 no 2004.
- As entidades son as seguintes: Os Agros (abandoado), Atalaia (abandoado), O Barral (30), As Basilias (22), A Cabeira (8), O Calvo (20), Carballal (7), Carozo (12), A Casavella (16), Chao do Covo (12), Chao do Outeiro (19), A Choqueira (5), O Cordal (36), O Coto (11), Currovedo (6), Lamacide (9), O Outeiro (16), A Pardela (abandoado), O Paridoiro (4), O Pazo (2), Portovello (8), A Poza (1), Ratoeira (2), Sisalde (2), Tezán (26), Tivián (15), Trandeiras (8) e Xanaz (abandoado).
- Os lugares (que xeralmente forman parte de algunhas das entidades) son: A Capeleira, O Catadoiro, Fondo de Vila, A Fonte, O Freixeiro, As Lagoas, Lestide, As Vigas e Xuadento.
Situacion xeografica da capital parroquial:
Latitude: 43º 24'
Lonxitude: 7º 29'
Superficie: 36,81 Km²
- Montes:
Lomopequeno (1.015 m.), Río Pedrido (1.005 m.), Ladeiras do Seixobranco (962 m.), Airavella (961 m.), Salgueiriño (935 m.), Redondiño (916 m.), Pena da Cruz (831 m.), Mariñas do Rial (821 m.), Coto da Cal (807 m.), Chao da Fonce (788 m.), Pena do Montrol (779 m.), Curro do Bispo (707 m.), Porto da Calzada Vella (670 m.) e A Santa (600 m.).
- Monumentos:
A Igrexa Parroquial de San Pedro de Labrada, situada na aldea de Barral esta feita sobre un terreo sumamente crebado e montañoso no que, a finais do seculo XII, o bispo de Mondoñedo fundou a parroquia. Conserva algún elemento románico. De nave rectangular, con capela maior cadrada de maior altura e sacristía adosada na cabeceira. Cuberta de tella a duas augas na nave e a catro no presbiterio. A fachada, do seculo XVIII, é de fábrica de selares graníticos, con porta de arco adintelado, pequena xanela, espadaña de dous corpos e tres vanos rematada en frontón e puntas de diamante, a que se sube pola escaleira lateral adosada o muro esquerdo. Os muros laterais son a parte máis antiga do edificio, e teñen quenllas sen debuxo, asi como unha porta de arco de medio punto con seis grandes dovelas no muro esquerdo, e o seu caron un escudo gótico con cruz. A inscrición no exterior da capela maior data do 1852. E no interior conten imáxes de talla moderna.
No Barral, hai situados dous cruceiros: o primeiro cruceiro, realizado en granito e de pequenas dimensions. Cruz coa figura arcaizante de Cristo, a cuios pes podemos vela escultura dunha cabeza; sen capitel, apoiase directamente sobre unha base tronco-piramidal e non ten inscrición.
O segundo cruceiro, tamen realizado en granito. Ten unha Cruz florenzada coa figura de Cristo no anverso e a Dolorosa no reverso; capitel con ánxos nos lados e volutas nas esquinas; fuste con relevo de San Pedro na parte superior, seguido dos atributos da Paixón: cravos, martelo, tenaces, lanza e escaleira; a base, de tronco-piramidal con inscripción ten a data de realización do 1885.
| Lugares da parroquia de Labrada no concello de Abadín (provincia de Lugo) | |
|---|---|
|
Os Agros | Atalaia | O Barral | As Basilias | A Cabeira | O Calvo | A Capeleira | Carballal | Carozo | A Casavella | O Catadoiro | Chao do Covo | Chao do Outeiro | A Choqueira | O Cordal | O Coto | Currovedo | Fondo de Vila | A Fonte | O Freixeiro | As Lagoas | Lamacide | Lestide | O Outeiro | A Pardela | O Paridoiro | O Pazo | Portovello | A Poza | Ratoeira | Sisalde | Tezán | Tivián | Trandeiras | As Vigas | Xanaz | Xuadento |
