Reinosa
El Vikipedio
Geografio > Eŭropo > Iberio > Hispanio > Kantabrio > Reinosa
Reinosa estas municipo en la hispana aŭtonoma komunumo Kantabrio kaj ĝi estas la ĉefurbo de la distrikto (comarca) Campoo. Tra ĝi fluas la riveroj Ebro kaj Híjar, kaj ties meza temperaturo estas la plej malalta en Kantabrio. Ĝi situas tute ĉirkaŭita de la municipo Campoo de Enmedio. Ties loĝantaro estas 10.523 homoj kaj ties surfaco estas 4,12 km².
La aliro al Reinosa estas komplika pro la neceso trairi la areon konatan kiel Hoces de Bárcena, danĝeran kaj krutan vojo-sekcion. Oni planas pli bonan vojon por komunikado inter Santandero kaj Madrido, laŭ la projekto de nova ŝoseo de Kantabrio al la centra hispana altebenaĵo.
En Reinosa elstaras diversaj monumentoj: la baroka Kirko de Sankta Sebastiano, la Konvento de Sankta Francisko kaj la Kapelo de Sankta Roque, la urbodomo, la ponto de Karolo la 3-a aŭ la fonto de la Aurora. Plie, estas pluraj interesaj civilaj konstruaĵoj el la jarcentoj de la 16-a al la 20-a, kiel la turoj de Navamuel y Manrique kaj Navamuel y Calderón, kaj la domoj (casa) Casa de la Niña de Oro, Casa de Cossío, Casa de la Princesa, Casa de Pano kaj Casa de Boyet.
Kvankam la industrio tre viglis en Reinosa, ĝi ne plu estas tiel grava kaj nuntempe estas proceso de renoviĝo. La ĉefaj entreprenoj estas Siderúrgicas del Norte (SIDENOR) (peza meĥanismoj), Cantarey (generatoroj), Cuétara (biskvitoj), Columbia (disponiganta laboron al handikapitoj), kaj Anchoas y Productos del Cantábrico (manĝaĵoj).
Reinosa estas fama pro siaj kukoj, el kiuj elstaras la pantortillas kaj rosquillas, kiuj ambaŭ estas rondaj dolĉaĵoj el foli-pasto.
