Freiberger Mulde
El Vikipedio
Eŭropo > Germanio > Saksio > Elbo > Mulde > Zwickauer Mulde / Freiberger Mulde < rivero
|
||||
---|---|---|---|---|
Proksime al Freiberg la rivero havas ankoraŭ tre modestan grandecon |
||||
Longeco | 124 km | |||
Alteco de la fonto | 855 m | |||
Meznombra trafluo | ... m³/s | |||
Akvokolekta areo | ... km² | |||
Alfluanto(j) | Chemnitzbach Helbigsdorfer Bach Gimmlitz Münzbach Kleinwaltersdorfer B. Bobritzsch Striegis Zschopau |
|||
Mem alfluas al | Mulde | |||
Larĝeco de la enfluejo | ... | |||
Rivero en Germanio |
La malgranda rivero Freiberger Mulde estas la orienta fontorivero de Mulde (la dua, okcidenta estas Zwickauer Mulde).
La fonto de Freiberger Mulde situas en Ĉeĥio sur la ĉefa kresto de la oriento de Ercmontaro, 2 km sudoriente de la vilaĝo Moldava, kie ĝi nomiĝas Moldavský potok, en alteco 855 m super la maro, inter la montoj Sklařský vrch kaj Oldřišský vrch. La fonto troviĝas en distanco de nur 2,5 km disde la fonto de la rivereto Wilde Weißeritz kaj nur 1 km for de la fontotereno de Flöha.
Fluante en okcidenta direkto Freiberger Mulde (ankoraŭ en grandeco de rojo) atingas la vilaĝojn Holzhau (600 m s.m.) kaj Rechenberg-Bienenmühle (545 m). Ĝia valo enprofundiĝis proksimume 150-200 m kompare kun la ĉirkaŭantaj altaĵoj.
Pli kaj pli ĝi turniĝas unue je nordokcidenta, poste preskaŭ je norda direkto. En Mulda enfluas de maldekstre la rojoj Chemnitzbach kaj Helbigsdorfer Bach, en Lichtenberg de dekstre Gimmlitz. la rivereto fluas tra valo ĉiam pli krute enprofundigita. Inter Freiberg kaj Halsbrücke ĝi ankoraŭ situas preskaŭ 100 metrojn pli profunda ol la tiea altebenaĵo. La rivero atingas la pejzaĝon de la malnova minado, kies trajtojn markas multaj teknikaj kaj kulturaj monumentoj.