Australia
From Wikipedia
|
|||||
|
|
|||||
| Dinuminazzioni ufficiali: | Commonwealth of Australia | ||||
| Innu nazziunali: | Advance Australia Fair | ||||
| Lingua ufficiali: | ngrisi | ||||
| Capitali: | Canberra (339.000 ntô 2001) | ||||
| Forma di cuvernu: | Munarchia custituzziunali | ||||
| Attuali capu di statu: | Elisabetta II d'Inghilterra | ||||
| Attuali Straticotu-Ginirali: | Michael Jeffrey | ||||
| Attuali primu ministru: | John Howard | ||||
| Cuntinenti: | Oceania (o Australasia) | ||||
| Superficî: - Tutali - % acqua |
7.686.850 km² 1% |
||||
| Abittanti (ô 2003): | 20.180.878 ntô 2004 | ||||
| Dinsità: | 2.6 ab./km² | ||||
| Ndipinnenza: | 1 innaru 1901 | ||||
| Valuta: | Dollaru | ||||
| Fusu urariu: | UTC +8 e +10 | ||||
| TLD: | .au | ||||
| Prifissu telefonicu: | +61 | ||||
| Membru ONU | dû 1945 | ||||
| Membru Commonwealth | dû [[ ]] | ||||
Australia è sia lu nomu dû cchiù nicu dî cuntinenti, sia la forma accurzata e cumunimenti usata di Commonwealth of Australia, la nazzioni principali dû dittu cuntinenti.
Lu Commonwealth of Australia è la sesta nazzioni dû munnu 'n tèrmini di grannizza, l'ùnica chi accupa nu nteru cuntinenti e la cchiù granni di l'Australasia. Essennu n'ìsula, nun havi li cunfini cu àutri nazzioni. Chiddi cchiù vicini cumprènninu la Nova Zilanna ô sud-est; e l'Indunesia, Papua Nova Guinia e Timor Orientali ô nord. Lu nomu 'Australia' diriva dâ frasi latina terra australis incognita, e signìfica quindi "miridiunali".
Ìndici |
[cancia] Storia
Artìculu principali: Storia Australiana
L'Australia è stata abbitata di ntra 42.000 - 48.000 anni, quannu li proginitura di l'attuali aborigini australiani arrivaru via lu sud-est d'Asia. La terra nun vinni scuperta dî Europei nzinu lu sèeculu XVII, quannu fu avvistata e visitata di quarchi spidizzioni. Li dui terzi orientali dû cuntinenti vìnniru riclamati dû Regnu Unitu ntô 1770, e li primi culonî nta New South Wales vìnniru criati lu 26 di jinnaru dû 1788 comu culonia pinali britànnica. Lu restu fu riclamatu dû Regnu Unitu ntô 1829. La maggiuranza dî stati chi cchiù tardu si fidiraru furmannu l'Australia nun èranu culonî pinali. Lu 1 di jinnaru dû 1901, nascìu lu Commonwealth, o fidirazzioni d'Australia, comu duminiu dû Mpiru britànnicu. L'Australia era oramai ndipinnenti, puru siddu li ùrtimi liami ligali cû Regnu Unitu nun foru tagghiati nzinu lu 1986. L'Australia è na munarchìa custituzzionali, cu Elisabetta II di Nglaterra rignanti comu 'Rigina d'Australia'. Ntô 1999 si tinni un rifirennu pi fari un canciamentu custituzziunali e trasfurmari l'Australia nta na ripùubblica, cûn prisidenti numinatu pi sustituiri la Rigina comu capu dû statu, ma lu risultatu fu negativu.
[cancia] Pulìtica
Artìculu principali: Pulìtica Australiana
Lu Commonwealth of Australia è na munarchìa custituzziunali: la Rigina d'Australia è lu capu di statu ufficiali ed è rapprisintata dûn Straticotu-Ginirali. Praticamenti, lu rolu dâ Curuna (e quindi dû Straticotu-Ginirali) è largamenti cirimuniali. La putenza asicutiva, tiuricamenti rapprisintata dâ Curuna, veni asircitata di na curia guidata dû primu ministru. Lu primu ministru è quasi sempri lu capu dû partitu di maggiuranza nnâ Casa dî Rapprisintanti, la càmera vascia (cu 150 seggi) dû parlamentu bicamirali. La càmera àuta (76 seggi) è lu Sinatu, nnô quali ogni statu è rapprisintatu di 12 senaturi, ndipinnentamenti dâ sò pupulazzioni, e ogni tirritoriu di dui. L'alizzioni di tutti dui cameri si tèeninu ogni tri anni, tipicamenti cu mità dû sinatu liggìbili pâ rializzioni.
[cancia] Stati e tirritorî
L'Australia è spartuta ntra sei stati e diversi tirritorî. Li stati sunnu: New South Wales, Queensland, [[South Australia] (miridiunali, Tasmania, Victoria e Western Australia (occidintali); li tirritorî sunnu: l'Australian Capital Territory (lu tirritoriu dâ capitali) e lu Northern Territory (dû nord). L'Australia havi puru un tirritoriu minuri nternu, Jervis Bay Territory (na basi navali ntô New South Wales), diversi tirritorî esterni abbitati Isula Norfolk, Isula Christmas, Isuli Cocos e varî tirritorî esterni 'n larga parti disabbitati: Tirritoriu dî Isuli dû Mari dî Curalli, Isuli Heard e McDonald, Isuli Ashmore e Cariter e lu Tirritoriu Australianu Antarticu. L'Australian Capital Territory fu criatu ntô locu scetu pâ capitali Canberra. Canberra fu funnata comu cumprumissioni tra li dui principali cità, Melbourne e Sydney.
[cancia] Giografìa
Artìculu principali: Giografìa di l'Australia
La maggiuranza dû tirritoriu australianu è sdisertu o semi-sdisertu. Lu 40% dâ superficî è accupunatu di duni di rina. Sulu l'agnuni ntô sud-est e sud-ovest hannu un clima timpiratu e un turrenu tanticchia fèrtili. La parti dû nord havi un clima trupicali. Lu Great Barrier Reef, è la cchiù granni barrera curallina dû munnu e si trova vicinu la costa nord-est. Uluru, nta l'Australia cintrali, è lu cchiù granni monolitu dû munnu.
[cancia] Flora e Fauna
Artìculi principali: Flora Australiana, Fauna Australiana
Puru si na granni parti dû cuntinenti e sdisertu o semi-sdisertu, nunnimenu l'Australia cumprenni diversi tipi di abbitata, dî muntagni accupunati di nivi ê boschi trupicali. A causa di la elevata età dû cuntinenti, dû clima assai variàbbuli e di lu so antichìssimo isulamentu geogràficu, la major parti di li specî animali e vegetali australiani sunnu ùnichi.
[cancia] Econumia
Artìculu principali: Econumia Australiana
L'Australia havi na pròspira econumìa mista di tipa occidintali, cûn rèdditu pi capita ô liveddu dî quattru econumìi duminanti di l'Europa occidintali. Nni l'ùrtimi anni l'econumìa australiana havi affruntatu la crisi glubbali cu na crìscita custanti. La pruduzzioni criscenti di l'econumìa dumèstica havi cuntrastatu â situazzioni glubbali. L'enfasi australiana suprî riformi è nautruo fatturi chi susteni la sò forza ecunòmica.
[cancia] Pupulazzioni
Artìculu principali: Pupulazzioni australiana
La maggiuranza dâ pupulazzioni australiana discenni d'immigranti dû sèculu XIX e dû sèculu XX, di prima, principalmenti dû Regnu Unitu e di l'Irlanda ma succissivamenti puru d'àutri nazzioni, suprattuttu Italia, Grecia e cchiù ricentimenti, nazzioni Asiatichi. Li discinnenti dâ pupulazzioni urigginali, l'aborìggini australiani, cumprènninu lu 2,2% dâ pupulazzioni (censimentu dû 2001). Comu àutri nazzioni sviluppati, l'Australia havi na pupulazzioni chi si sta nvecchiannu, cu cchiù pensiunati e menu pirsuni in età travagghiativa. Lu ngrisi è la lingua parrata nn'Australia, puru siddu arcuni dî cumunità aborigini mantèninu lu sò linguaggiu nativu, e un nùmmuru abbastanti granni d'immigrati di prima e secunna ginirazzioni sunnu bilingui. Spartu ca la nazzioni è ampiamenti seculari e sunnu picca li praticanti, tri quarti di l'australiani s'addicchiàranu cristiani, principalmenti cattòlici o anglicani. Vennu raticati puru diversi àutri riliggiuni.
Viditi puru: Lista di cità australiani
[cancia] Cultura
Artìculu principali: Cultura Australiana
| Dati | Name |
|---|---|
| 1 di jinnaru | Capudannu |
| 26 di jinnaru | Festa nazzionali |
| Pasqua | Vènniri Santu |
| Pasqua | Sabbatu di Pasqua (eccettu Victoria e Australia Occidentali) |
| Pasqua | Lùnniri di Pasqua |
| 25 di aprili | Anzac Day |
| primu lùnniri doppu lu 9 di giugnu | Cumpleannu dâ Reggina (eccettu Australia Occidentali) |
| 25 di dicèmmiru | Natali |
| 26 di dicèmmiru | Santu Stèfanu (eccettu Australia Meridiunali) |
Viditi puru:
- Cìnima australianu
- Mùsica australiana
- Festi pùbblichi australiani
- Mitoluggìa australiana
- Trascrizzioni dî lingui di l'aborìggini australiani
[cancia] Varî
- Australiani celibbri
- Banneri dî stati e tirritorî australiani
- Cummunicazzioni in Australia
- Trasporti in Australia
- Rilazzioni esterni di l'Australia
- Asercitu Australianu
- Lista di premî australiani
- Premiu Australianu di l'annu
- Lista dî primi ministri australiani
- L'Ìsuli di l'Australia
[cancia] Rifirenni
Artìculu principali: Lista di quistioni circa Australia
| Quistioni circa Australia | |
| Storia | Timeline (Eureka Stockade | Constitutional history) | Foreign relations | Postal history |
|---|---|
| Geography | Cities | Islands | Mountains | Regions | Protected areas | Rivers | Ecoregions |
| Politics | Constitution | Political parties ( Liberal, Labor, National, Greens) | Elections | States and Territories | Republicanism | Military |
| Culture | Australian English | Art | Cinema | Cuisine | Literature | Music | Public holidays | Television (SBS, ABC) |
| Other | List of Australians | Communications in Australia | Transportation in Australia | List of Australian Awards | Australian of the Year Award | Australia's Big Things | List of Australian companies | RACA |
| Stati dû munnu | Oceania |
 Australia |  Figgi |  Kiribati |  Ìsuli Marshall |  Ìsuli Salamuni |  Nauru |  Nova Zilanna |  Palau |  Papua Nova Guinea |  Samoa |  Stati Fidirati di Micronesia |  Tonga |  Tuvalu |  Vanuatu |
| Tirritorî d'autri nazzioni |
|---|
| Atollu di Midway | Guam | Hawaii | Ìsuli Cook | Ìsula di Pasqua | Ìsula Marianni Sittintriunali | Ìsula Norfolk | Ìsula Pitcairn | Ìsula di Wake | Molucche | Nova Calidonia | Niue | Papua (pruvincia Indunesia) | Pulinesia francisa | Samoa Miricana | Tokelau | Wallis e Futuna |
Categories: Australia | Cuntinenti | Giografìa | Nazzioni | Oceania
