Natali
From Wikipedia
Lu Natali è lu jornu di la ricurrenza di la nàscita dû Signuri. Li cristiani lu cèlibbranu lu jornu 25 di dicèmmiru.
Nzinu a picca tempu fa, si pinzava ca sta data era cunvinziunali (schigghiuta, forsi, pi cuntrastari la festa pagana dû Sol invictus o dû diu Mitra) e chi lu Signuri Gesù Cristu avìa nasciutu nta n'àutru jornu di l'annu.
Ultimamenti si scuprìu, grazzî a l'attruvata di li papiri di Qumran, ca è assai prubàbbili chi Zaccaría, maritu di Lisabetta e patri di Giuvanni Battista, ricivìu la visioni di l'àncilu, chi ci annunziava lu cuncipimentu di sò figghiu, ntô misi di sittèmmiru.
Siccomu nta lu vancelu di Luca (1, 26) si dici chi l'àncilu annunziau a Maria lu cuncipimentu dû Signuri quannu sò cucina Lisabetta era ô sestu misi di gravidanza, chissu voli diri ca Maria cuncipìu a so Figghiu ntô misi di marzu. Novi misi doppu, 'n dicèmmiru, nascìu lu Bammineddu.
[cancia] Natali 'n Sicilia
Li Nuveni di Natali sunnu un tipu di cantu narrativu spartutu 'n 9 parti chi cunta la storia di la nascita di Nostru Signuri. Si càntanu e si sònanu nta li 9 sirati chi pricèdinu lu jornu di Natali, davanzi a edìculi sacri addubbati cu frutta, addauru e aspàragu. È puru tradizzioni nta quarchi paisi di addumari falò pi quadiari lu Bammineddu. Â fini di la cantata li musicanti addumànnanu n'offerta.
Asempiu di parti di testu di na nuvena di Natali:
"E la notti di Natali c’è la festa principali
parturìu la gran Signura nta n’affritta manciatura
'n menzu ô voi e l’asineddu nascìu Gesù 'u bammineddu
e ognidunu lu binidicìa: chistu è lu fruttu chi fici Marìa"
[cancia] Liami a àutri wikipedia e wiktionary
Wiktionary
Natali nta àutri lingui
Bon Natali e Filìci Annu Novu! nta assai lingui ('n parti puru cu la prununzia)
Wikipedia in italianu
Babbu Natali
Wikipedia 'n tudiscu
Sira di Natali
Natali
[cancia] Liami esterni
Li tradizzioni di Natali 'n Sicilia: http://sicilyweb.com/natale/5.htm
Li signa dû Natali 'n Sicilia: http://www.guidasicilia.it/ita/main/tradizioni/sacro_profano/natale/segni.htm
Li nostri Natali pirduti: http://www.guidasicilia.it/ita/main/tradizioni/sacro_profano/natale/natali_perduti.htm
Li vecchî di Natali: http://www.press.sicilia.it/natale_in_sicilia3.cfm
separatore
| Riliggiuni | ||
| Ateismu - Agnosticismu - Monoteismu - Politeismu - Enoteismu - Panteismu - Animismu Buddismu | Cunfucianismu | Cristianèsimu | Ebbraismu | Giainismu | Induismu | Islam | Shintuismu | Tauismu | Zoruastrismu |
||
| Diu - testi sacri - cleru - eresia - mituluggia - lista di divinitati | ||
