Mar Mediterranèa
Un article de Wikipèdia, l'enciclopèdia liura.
La Mar Mediterranèa es una mar interiora situada entre Euròpa al nòrd, Africa al sud, e Asia a l'èst. S'espandís a quicòm prèp sus 2 500 000 km2 per una prigondor mejana de 1370 mètres. L'Estrech de Gibartar ambe solament 14 km de largor, la religa a l'Ocean Atlantic e lo Canal de Suez, artificialament a la Mar Roja ; aquò fa que ten marèias fòrça discrètas.
La Mar Mediterranèa es considerada coma lo brèç de la civilizacion occidentala. Dins l'antiquitat, foguèt una zona privilegiada de contactes culturals, d'escambis comercials e d'afrontaments politics. Sus las seunas ribas, an florit, se son espandit, e an desaparegut d'importantas civilizacions: romans, egipcians, fenicians, ititas, grècs, cartagineses, macedonians, berbèrs, genoveses, venicians ...
Qualques regions particularas de la Mediterranèa pòrtan elas tanben tradicionalament lo nom de mar :
- mar Egèa
- mar Ioniana
- mar Adriatica
- mar Tireniana
- mar Liguriana
- mar de Marmara (ancianament Propontida)
