Mari Mediterraniu
From Wikipedia
U Mari Mediterraniu (o Maritarraniu) hè u mari chì sipara l'Africa di l'Europa. U mari hè chjusu à l'occidenti da u strettu di Gibbilterra, è à l'orienti da u strettu di I Dardanelli chì u sipara da u Mari Neru.
[edit] Storia
Storicamenti hà avutu una impurtanza maiò pa i cummerci trà l'Orienti è l'Occidenti. I Rumani u chiamavani Mare Nostrum parchì u territoriu di l'Imperu Rumanu era tuttu à l'intornu di u Mari Mediterraniu.
[edit] Geugrafia
In u Mari Mediterraniu, ci sò parechji isuli più o menu impurtanti com'è a Sicilia chì hè a più grandi isula di u Mediterraniu, a Sardegna, a Corsica, Crita, l'isula di Rodi, l'isuli Baleari, è uni pochi d'isuli com'è l'isula di Cipru è l'arcipelagu maltesi chì formani stati naziunali.
Oghji u mari ha una impurtanza cummirciali, turistica è strategica.
[edit] Lista di paesi chì s'affacciani in u Mari Mediterraniu
Albania, Algeria, Bosnia è Erzegovina, Cipru, Croazia, Egittu, Francia, Gibilterra, Grecia, Israeli, Italia, Libanu, Libia, Malta, Maroccu, Principatu di Monacu, Montenegru, Territori Palistinesi, Siria, Sluvenia, Spagna, Tunisia, Turchia.
Categories: Geografia | Africa | Europa
