Andalucía

Frå Wikipedia – det frie oppslagsverket

Andalucía

Fakta
Hovudstad	Sevilla
Offisielle språk	Spansk
Regionspresident	Manuel Chaves González
Geografi
Flatevidd	87 268 km² (Rangering 2)
Folketal	7 478 432 (2003) (Rangering 1)
Folketettleik	85,70 innb./km²

Andalucía (stundom òg skrive Andalusia) er ein spansk autonom region. Hovudstaden er Sevilla. Regionen grenser til Extremadura og Castile-La Mancha i nord, Murcia i aust, britiske Gibraltar i sør, Portugal i vest, og har kyst mot Middelhavet og Atlanterhavet i sør.

[endre] Historie

Området var romersk provins under namnet Hispania Baetica. Det blei erobra av visigotar og seinare maurarar, som ga det namnet Al-Andalus.

Området har mange spor etter tidlegare tider. Den ein gong så mektige antikke byen Tartessos ligg i Andalusia. Ein kan òg sjå ei rekke mauriske byggverk her, som Alhambra i Granada, Mezquita i Córdoba og Torre del Oro og Giralda i Sevilla.

[endre] Kultur

[endre] Musikk

Musikkstilen og dansen flamenco kjem frå denne regionen. Improviserte flamencosongar frå Andalusia kalla cante hondo blir framførte av éin songar med mykje ornamentikk og noterepetisjon, men med lite rytme.

[endre] Mat

Det andalusiske kjøkenet er prega av sjømat med mykje fisk og skaldyr. Det finst òg mange lokale søtsaker, som pestiños, frityrsteikte kaker bada i honning, småkakene alfajores og mandelmakronane amarguillos.

Sherry og gazpacho kjem frå Andalusia.

[endre] Språk

Spansken ein snakkar i Amerika er nært i slekt med den andalusiske dialekten fordi Sevilla var eit viktig utgangspunkt for den spanske koloniseringa av verdsdelen på 1500- og 1600-talet.

[endre] Geografi

Regionen er delt inn i åtte provinsar som kvar har namn etter den største byen dei inneheld: Almería, Cádiz, Córdoba, Granada, Huelva, Jaén, Málaga og Sevilla. Andre andalusiske byar er Algeciras, Jerez, Marbella og San Fernando i Cádiz.

[endre] Bakgrunnsstoff

Commons har multimedia som gjeld: Andalucía

[endre] Kjelder

«Andalucia», «Andalusian cuisine» og «Music of Andalusia» på engelsk Wikipedia

	Spanske autonome regionar
Andalucía \| Aragón \| Asturias \| Balearane \| Baskarland \| Cantabria \| Castilla-La Mancha \| Castilla-León \| Catalonia \| Extremadura \| Galicia \| Kanariøyane \| La Rioja \| Madrid \| Murcia \| Navarra \| Valencia