Van Jonge Leu en Oale Groond
Van Wikipedie
Van Jonge Leu en Oale Groond is ne Tweantse zeepriege dee in opdracht van RTV Oost wördn produceerd duur NL Film & TV. De regie was in haan van Johan Nijenhuis (ofl. 1-4), Steven de Jong, Geert Lautenschutz, Jan van den Nieuwenhuijzen en Jan Albert de Weerd. Heufdschriever was Ingrid van den Heuvel. Ut oorsproonkelike skript was vuur n heel deel in t Nederlaands. De vertaling van de dialoogn in t Tweants was biej de eerste riege (30 ofleaveringn) van Herman Finkers, dee zölf ok metspöaln, biej de tweede riege (24) meestparts van Goaitsen van der Vliet.
De eerste dertig ofleaveringn van n joar wördn alle wekke oetzeundn duur RTV Oost. De riege hef grote bekeandheid in de regio. Oondernemmers oet de regio, zooas Grolsch, Bolletje en Wehkamp sponsert de riege. De eerste ofleavering van zöndag 2 oktober 2005 har 300.000 kiekers. Vanof 8 oktober 2006 hef de tweede riege ofleaveringn n begin kreagn.
[bewark] Verhaal
In de riege dreait t um de familie Wildspieker. Vaar Wildspieker kömp oet de tied en moor Minie steet der op de boerderieje allean vuur. Dochter Fenna besloet um biej de moor in te trekn, in t begin teegn eer zin. Fenna ontdekt woarum zee Tweante in eer jeugd de rugge hef tookeerd. Eer breur Alwie (trouwd met Patricia) hef zoo zien eagn, financiële, probleemn en eer jongere zuster Monkie steet as sportlerares en voetbaltreener nog tusken de jonge leu.
De familie Bode bint noabers van de Wildspiekers. De rieke familie Bode besteet oet vaar Hein, moor Lineke en de tweeling Elvis en Janis. De vriejgezeln breurs Mans en Gerrit Olde Weernink spölt ok ne belangrieke rolle in de riege.
[bewark] Karakters
- Hendrik Wildspieker (Jan Roerink)
- Minie Wildspieker (Marietje Noordkamp)
- Fenna Wildspieker (Diet Gerritsen)
- Jaap Oosterveld (Hugo Maerten)
- Zilver Oosterveld (Marieke Homma)
- Alwie Wildspieker (Arthur Geesing)
- Patricia Wildspieker (Evelien Harberink)
- Monkie Wildspieker (Esther ter Horst)
- Stefan Bostiaan (Wilco Meutstege)
- Gerrit Olde Weernink (Herman Finkers)
- Mans Olde Weernink (Jan Riesewijk)
- Maria Scholtenboer (Floor Renee Masselink)
- Hein Bode (Laurens ten Den)
- Lineke Bode (Esther Pierweijer)
- Elvis Bode (Gerard Bakker)
- Janis Bode (Michaela Kamphuis)
- Bredero (Nico Schaap)
- Willem Venterink (Johan Kenkhuis)
- Leida Venterink (Willy Warmink)
- Pascal Hesselink (Tony Minnema)
- Faruk Aslan (Gokhan Iyigunler)
- Eva (Leonie Ter Braak)
- Henny Smits (Dirk Stegeman)
- Roos (Moniek Kötter)
- Debbie Dekkers (Kim Kötter)
