RTV Oost
Van Wikipedie
RTV Oost is de regionaole peblieke umroep van de pervinsie Aoveriessel.
Radio Oost is in 1988 op-ericht en is vort-ekommen uut de RONO. In eerste instantie was Radio Oost de regionaole zender veur Aoveriessel en Gelderlaand. Doe Gelderlaand heur eigen regionaole umroep kreeg, werd Radio Oost de zender alliene veur Aoveriessel. In 1992 is de naam ewiezigd in RTV Oost en begun doe as eerste regionaole umroep mit 1 ure tillevisie in de weke. Tegeswoordig (2005) maakt RTV Oost 24 ure radio en tillevisie per dag. (Tv - 18:00-20:00 mit herhalings tot de volgende ochtend 10:00 ure; van 10.00-16.00 dag TV en tussen 16.00-18.00 variabele pergramma's)
Bekende gezichten (en stemmen) van RTV Oost bint Maggy Dobson (niejslezeres), Ton ten Hove (weerman), Willie Oosterhuis (prissentator) en Harm Agteresch (Harm oet Riessen).
Meert is de dialectmaond bie RTV Oost. In disse maond wörden der onder de naam 'Kiek’n Wa’j Zegt' dictees of-eneumen in 't Sallaands, Twents en [oordwest-Aoveriessels bie prominente en minder prominente Aoveriesselaors. Dit pergramma wördt op-eneumen in de Staotenzaol van 't vroggere Pervinsiehuus van Aoveriessel in Zwolle.
RTV Oost is evestigd in Hengel, mar hef ok nevenvestigings in Zwolle en Dèventer, en zendt uut vanof de zendstations Zwollerkarspel, Markel en Losser.
