Tweante
Van Wikipedie
Tweante is n gebeed in t oostn van Nederlaand. t Is t oostelik deel van Oaveriessel en t wördt begreansd duur de riviern Regge en Deenkel en de greanzn met Duutslaand en n Achterhook in Gelderlaand. n Naam Tweante is ofkumstig van n Latiensn naam Tuihanti vuur 'n Germoans volk dat in t gebeed wonn in n tied van de Romeinn, de Tubantn. In de elfde eeuw wördn t gebeed al Tuente neumd.
Inholdsopgaove |
[bewark] Ekonomie
De belangriekste steedn in t gebeed bint Eanske, Hengel en Almelo. Disse steedn ontwikkeln zik pas in de neegnteende eeuw, doo de fabrikeurs van linngood noar disse laandelike regio kwamn. Oet disse tied bint ok de völle baann in t gebeed anlegd vuur t anvoarn van groondstofn en t eksporteern van t linn. De produktie van linngood gung duur töt in de joarn zeuvntig, doo de industrie instörtn. n Anleg van de autobaan A1 noar de Duutse steedn Osnbrug, Hannover en Berlien zoargn vuur n niejn impuls vuur de Tweantse ekonomie.
[bewark] Gebroekn en religie
Tweante is van vrogger oet ne roomse regio, mer in n poar steedn en dörpe besteet ne griffomeerde meerderheid. Vuural Riesn steet bekeand um ziene grifformeerde gemeenschop. Doarenteagn is t noordoostn van Tweante vuural katteliek, met de Healige Plechelmus in Oldnzel.
Tweante steat bekeand um zien gebroekn en tradities, zooas t mirreweenterhoornbloazn, t klootscheetn en t stokn van poasveurn. Met Poasken wördt in Oatmörsken biej de roomsn t vlöggeln oetoefnd duur de poaskearls. Umdat n groot deel van Tweante katteliek is, wördt ok hier karnaval vierd.
[bewark] Strektaal
In Tweante sprekt völle Tukkers, zooas de inwonners van t gebeed ok wal neumd wördt, de strektaal Tweants, n dialekt van t Neersassies. In t oostn van de regio wiekt t doar sprökne Tweants meer of van t Nederlaands as in t westn. In t Vjenne, Eanter en Riesn hef t dialekt nog wier aandere klaankn en weurde as in de rest van Tweante.
[bewark] Plaatsn in Tweante
Aadorp - Albeargn - Almelo - Beantel - Beckum - Böaningn - Bokel - Boorn - Boornerbrook - Breklenkaamp - Broenehaar - Buurse - Dealdn - Dealdnerbrook - Dealdner Es - Deankaamp - Deepn - Doarle - Döarningn - Eanske - Eanter - Eul - Fleringn - Gammelke - Geester - De Glanerbrug - Goor - n Ham - n Haarbrik - Hoksebarge - Heldern - Hengel - Hertem - De Hoeve - t Langnven - Lattrop - Lönnker - Loster - De Lut - Mariaparochie - Maander - t Maanderven - Maarkel - Nijverdal - Nötter - Nutter - Oagel - Oatmörsken - Oaverdeenkel - Oazele - Oldnzel - Ossel - Reutum - Riesn - Rossum - Soasel - Tilgt - Tubbargn - Twekkel - Vas - t Vjenne - Vroomshoop - Weersel - Westerhaar - Wierdn - Zeander - de Zoeke
