Echnaton
From Wikipedia
Echnaton( ok: Akhenaten) war ain van de mainst opmárkleke Farao's van Egypten.
[Ännern] Utsehn un Gestalt
Hai zag der huil lellek ut: Hai har ain lánk en smoll Gezicht, klaine puntege Ougen en dikke Lippens mit noarbenedenstoande Mondhouken. Hai war groot en har ain hangende Buk, ook al war-e nait dik. Dit kwam deurt Zaikte van Marfan. Dit har sin Zeun, Tutankhamon, ook op loatere Leeftid. Et opmárkleke hiervan war, dat-e zuch ook zo ôf luit beelden. Andere Faraos luiten zuch afbuilden zo'as si as mooist waren.
[Ännern] Monotheismus
Næstens sin Uterlek war-e as ainege Farao int huile Egyptische Geschiednis, Monothe'ist. Dat betaikent dat-e môr in ain God geleufde. Dit war de Aten. Echnaton/Akhenaten geleufde dat dou sin Voa, Amenophis III., stárfde, hai verandert war int Aten. Alle andere Goden waren verdreven deur sin almachtege voader. Konnst immers allend môr de Sönne zain, dus war dat de ainege God. De Aten war de Sönnedisk dei mainstid boven et Heufd van Ra afbeeld wuir, môr nau war-e sulfstandeg en har-e stroalen dei ìndegden in Handen dei Ankher vast heulden. Ter ere van dizze nije God, wuir der ook ain nije Heufdstadt kozen (normoal war et Thebes). Dizze nije Heufdstadt lag int midden van Egypten: Amarna (Akhetaten). Hier wuir in "no-time" Doezenden aan Husen, Tempels en Plaizen baut veur et Aten-Folk. Van dizze Stadt binnen nau allend noch môr ain poar Muren en Kelders over.
