იანვარი, 2005

ვიკიპედიიდან

2005 წლის მოვლენები:

[რედაქტირება] საქართველო

2 იანვარი – საქართველოს ახალმა ელჩმა ლევან ასათიანმა თეირანში რწმუნებათა სიგელები გადასცა ირანის პრეზიდენტს მოჰამედ ხათამის.
5 იანვარი - ამოქმედდა საქართველოს ახალი სამოქალაქო კოდექსი.
11 იანვარი - თბილისში გაფორმდა შეთანხმება საბორნე-სარკინიგზო მიმოსვლის დაწყების შესახებ რუსეთიდან ამიერკავკასიის მიმართულებით, კავკაზი-ფოთის მარშრუტზე.
12 იანვარი - სოხუმში გაიმართა ე.წ. "აფხაზეთის რესპუბლიკის საპრეზიდენტო არჩევნები". ამომრჩეველთა 91% მიიღო სერგეი ბაღაფშისა (პრეზიდენტი) და რაულ ხაჯიმბას (ვიცე-პრეზიდენტი) ტანდემმა.
14 იანვარი - თბილისში გაიხსნა ნატოს წარმომადგენლობა კავკასიასა და ცენტრალურ აზიაში.
17 იანვარი
- რუსეთმა ვეტო დაადო ეუთოს დამკვირვებელთა მანდატის გაგრძელებას საქართველო-რუსეთის საზღვარზე (დაღესტან-ჩეჩნეთ-ინგუშეთის მონაკვეთი).
- ე. წ. სამხრეთ ოსეთის რესპუბლიკის უშიშროების სახელმწიფო კომიტეტის თავმჯდომარედ დაინიშნა ანატოლი იაროვოი, რომელიც რუსეთის უშიშროების ფედერალური სამსახურის მორდვეთის ავტონომიური რესპუბლიკის სამმართველოს უფროსად მუშაობდა.
18 იანვარი - კოდორის ხეობაში მაღალი ძაბვის გადამცემ ხაზ "კავკასიონზე" განხორციელდა დივერსიული აქტი, რის შედეგადაც საქართველოს დიდი ნაწილი ელექტრობის გარეშე დარჩა.
19 იანვარი - აფხაზეთის გავლით რუსეთიდან თბილისში ჩამოვიდა კუბის მოქალაქე რაფაელ სანჩესი, რომელმაც საქართველოს ხელისუფლებისგან დევნილის სტატუსი, ან მესამე, ესპანურენოვან ქვეყანაში გამგზავრებაში ხელშეწყობა ითხოვა.
20 იანვარი - ცხინვალის რეგიონში ოსმა სეპარატისტებმა სოფელ ერედვის საგუშაგოდან 2 ქართველი პოლიციელი მოტყუებით გაიტაცეს.
21 იანვარი - საქართველოს უზენაესი სასამართლოს გადაწყვეტილებით, ადამიანის გატაცებაში ბრალდებულ შოთა (მევლუდ) ჭიჭიაშვილს თავისუფლების 22 წლით აღკვეთა მიესაჯა. ჭიჭიაშვილი დამნაშავედ სცნეს ადამიანთა გატაცებაში, მკვლელობაში, შეიარაღებული ბანდფორმირებების შექმნასა და სხვა დანაშაულებში.
25 იანვარი
- საქართველოს დელეგაციამ პრეზიდენტის მეთაურობით მონაწილეობა მიიღო მსოფლიო ეკონომიკური ფორუმის მუშაობაში დავოსში.
- ევროპის საბჭოს საპარლამენტო ასამბლეის სხდომაზე, სტრასბურგში, საქართველოს პრეზიდენტმა წარადგინა აფხაზეთსა და სამხრეთ ოსეთში კონფლიქტების მოგვარების კონცეფცია.
26 იანვარი - საქართველოს პრეზიდენტი მიხეილ სააკაშვილი სიტყვით გამოვიდა ევროპის საბჭოს ასამბლეის სხდომაზე და კონფლიქტების მოწესრიგების სამშვიდობო ინიციატივა წარადგინა.

მიხეილ სააკაშვილი

ვიქტორ იუშენკო

[რედაქტირება] უცხოეთი

1 იანვარი
- ლუქსემბურგი გახდა ევროპის კავშირის თავმჯდომარე ქვეყანა.
- თურქეთში მიმოქცევაში გაუშვეს თურქული ლირის ახალი ბანკნოტები: 1 ახალი ლირა 1 მილიონ ძველ ლირას უდრის.
9 იანვარი - მაჰმუდ აბასი არჩეულ იქნა პალესტინის ეროვნული ადმინისტრაციის თავმჯდომარედ.
12 იანვარი - გაშვებულ იქნა ზონდი Deep Impact, რომლის მისიაა კომეტა Tempel 1-ის განადგურება.
14 იანვარი - კოსმოსური აპარატი Huygens დაეშვა სატურნის თანამგზავრ ტიტანზე.
20 იანვარი - ჯორჯ ბუში შეუდგა მეორე ვადით აშშ-ს პრეზიდენტის მოვალეობის შესრულებას.
22 იანვარი - ჩრდილოეთ კორეის საგარეო საქმეთა სამინისტროს განცხადებით, ეს ქვეყანა ატომური იარაღის მფლობელი გახდა.
23 იანვარი - ვიქტორ იუშჩენკომ დადო ფიცი და შეუდგა უკრაინის პრეზიდენტის მოვალეობის შესრულებას.

[რედაქტირება] ვიკიპედიის სიახლენი

15 იანვარი - ვიკიპედიის პროექტს 4 წელი შეუსრულდა. 2001 წლის 15 იანვარს დაფუძნდა ინგლისური ვიკიპედია.

Retrieved from "http://ka.wikipedia.org../../../%E1%83%98/%E1%83%90/%E1%83%9C/%E1%83%98%E1%83%90%E1%83%9C%E1%83%95%E1%83%90%E1%83%A0%E1%83%98%2C_2005.html"

კატეგორია: 2005

იანვარი, 2005

ვიკიპედიიდან

[რედაქტირება] საქართველო

[რედაქტირება] უცხოეთი

[რედაქტირება] ვიკიპედიის სიახლენი

Views

ნავიგაცია

ძიება

სხვა ენებზე