لاقحہ
وکیپیڈیا سے
- آسان الفاظ میں تو لاقحہ کو یوں کہـ سکتے ہیں کہ یہ انسان سمیت کسی بھی جاندار کا پہلا خلیہ ہوتا ہے یعنی کہ اس جاندار کی اس دنیا میں آمــد یا اسکی زندگی کی ابتداء ہوتی ہے۔
اسکی تفصیلی تعریف یوں کی جاتی ہے کہ ؛ اخصاب (fertilization) کے عمل میں بننے والے خلیے کو لاقحہ یا zygote کہا جاتا ہے ، اور چونکہ اخصاب کا مطلب مذکر اور موئنث کے تولیدی خلیات کا ملاپ ہوتا ہے لہذا یوں بھی کہ سکتے ہیں کہ نر کے تولیدی خلیے (نطفہ) اور مادہ کے تولیدی خلیے (بیضہ) کے ملاپ سے بننے والا نیا خلیہ لاقحہ کہلاتا ہے، پھر لاقحہ ، ماں اور باپ کی جانب سے آنے والے ڈی این اے میں موجود معلومات کی مدد سے، نیچے بیان کردہ مختلف مراحل سے گذرنے کے بعد جنین یا embryo بنا دیتا ہے۔
یہاں یہ بات قابل ذکر ہے کہ اس اخصاب کے عمل کے دوران بننے والے نۓ خلیہ یعنی لاقحہ میں چونکے نر اور مادہ کی جانب سے آنے والے خلیات ملتے ہیں اس لیۓ اس نۓ خلیے میں مرکڑی مادہ ، نر اور مادہ کی جانب سے آنے والے خلیات کی نسبت دو گنا ہو جاتا ہے اور اسی لیۓ اسکو دولونیہ یا diploid خلیہ کہا جاتا ہے جبکہ نر اور مادہ (باپ اور ماں) کے کی طرق سے آنے والے تولیدی خلیات نیم لونیہ یا haploid ہوتے ہیں۔
اگر نر اور مادہ کی جفت گیری کے وقت ایسا ہوجاۓ کہ مادہ کے دو بیضے (یا انڈے) بیک وقت ہی اخصاب شدہ ہوجائیں (یعنی نر کے نطفے کے ساتھ مل جائیں) تو پھر ایسی صورت میں دو لاقحے بن جائیں گے جو کہ پیٹ میں پرورش پا کر دو (جڑواں) بچوں کی پیدائش کا باعث ہونگے ، ایسے جڑواں بچے کہ جو اخصاب کے وقت دو بیضوں سے بنے ہوں دو لاقحی (dizygotic) کہلاتے ہیں۔ لیکن اگر اخصاب (یعنی نر نطفے اور مادہ انڈے کے ملاپ) کے وقت ایک ہی بیضہ نطفے کے ساتھ ملے اور پھر اس ملاپ کے بعد یہ دو حصوں میں تقسیم ہوجاۓ جو کہ پرورش پا کر الگ الگ دو جنین بنا دیں تو ایسے جڑواں بچوں کو یک لاقحی (monozygotic) کہا جاتا ہے۔
| نر اور مادہ کے تولیدی خلیات ملنے سے پیدائش تک کے تین اہم مراحل | ||
|---|---|---|
| پہلے لاقــحــہ بنتا ہے | اسکے بعد جـنـیـن | اور پھر حمیـل بنتا ہے |
