Köz
From Wikipedia
Köz, yıl fasılı, közge kön tigelänüennän (22. Sentäber yäki 23. Sentäber) qışqı qoyaş torışına qädär (21. Dekäber yäki 22. Dekäber) däwam itä. Sentäber, Öktäber, Nöyäberne köz ayları dip ataw ğädätkä kergän. Klimatik sezon bularaq, cılı könnär betkäç häm urtaçaq täwleklek temperatura Tatarstanda 10°C-tan kimegän könnän temperaturanıñ 0 °C-tan tübän töşüe häm qar cirgä yatu belän köz tämamlana. Tatarstanda köz Sentäberneñ 2. yartısınnan Öktäber axırlarına qädär ay yarım çaması däwam itä. Hawanıñ utraça aylıq temperaturası Sentäberdä 10-12 °C (köndez 25 °C-qa qädär, tönlä – 10 °C), Öktäberdä 2-4 °C (köndez 20 °C-qa qädär häm tönlä -27 °C). Yañğırlı häm bolıtlı könnär ozaqqa suzıluçan. iñ yañğırlı köz (134 mm) 1919. yılda, iñ qorı köz (3,3 mm) 1961. yılda bulğan. Hawada qıraw – 10-29, tufraqta 3-18 Sentäberlärdä küzätelä. Köçle cille häm tomanlı könnär arta bara.
