Manuel L. Quezon
Mula sa Tagalog Wikipedia, ang malayang ensiklopedya.
Si Manuel Luis Quezon y Molina (Agosto 19, 1878 – Agosto 1, 1944) ang unang pangulo ng Commonwealth ng Pilipinas. Siya ang kinilala bilang ikalawang pangulo ng Pilipinas, kasunod ni Emilio Aguinaldo (na ang administrasyon ay hindi kinilala ng ibang bansa sa mga panahong iyon at hindi kinilala bilang unang pangulo sa mga kapisanang internasyunal).
Ipinanganak si Manuel L. Quezon sa Baler, sa lalawigan ng Tayabas (tinatawag na ngayong Aurora)noong Agosto 19, 1878. Anak nina Lucio Quezon at Maria Dolores Molina, parehong guro. Nakipaglaban kasama ng mga Pilipinong Nasyonalista sa Digmaang Pilipino-Amerikano, bilang katulong ni Emilio Aguinaldo.
Noong 1935, nanalo si Manuel L. Quezon sa unang halalan ng pagkapangulo ng Pilipinas kina Emilio Aguinaldo at Bishop Aglipay.
Pagkaraan ng pananakop ng Hapon sa Pilipinas sa panahon ng Ikalawang Digmaang Pandaigdig, tumakas siya papuntang Estados Unidos.
Nagkasakit ng tuberkulosis si Quezon at namatay sa Sanarac Lake, Franklin County, New York noong Agosto 1, 1944 sa gulang na 66. Unang inilibing ang kanyang labi sa Arlington National Cemetery. Pagkaraan, ang kanyang labi ay inilibing muli sa Maynila, sa Manila North Cemetery at inilipat sa Lungsod Quezon sa loob ng monumento sa Quezon Memorial Circle.
Ipinangalan sa kanya ang Lungsod Quezon sa Kalakhang Maynila at ang lalawigan ng Quezon.
[baguhin] Aklat ni Manuel L. Quezon
- The Good Fight (1946)
[baguhin] Mga kaugnay na artikulo
- Kasaysayan ng Pilipinas
- Kasaysayang pampulitika ng Pilipinas
| Mga Pangulo ng Pilipinas Aguinaldo | Quezon | Osmeña | Laurel | Roxas | Quirino | Magsaysay | Garcia | Macapagal | Marcos | Aquino | Ramos | Estrada | Arroyo |
 |
