Aceddu
From Wikipedia
| Aceddi | |
|---|---|
| classi: | Aves |
| òrdini (e suttòrdini) (dittagghi nta /Classificazzioni) | |
|
suttaclassi Neorniti
|
|
L'aceddi (Aves) sunnu na classi di virtibrati, armali a sangu càudu (omeotermi), bìpedi di cui l'arti antiriori si trasfurmaru 'n ali. L'ossa sunnu cavi. Sparti sunnu carattirizzati dû fattu d'èssiri ricuperti di pinni, chi li cunfirìscinu ariudinamicità. Sunnu quasi tutti vulaturi.
L'aceddi sunnu l'ùnici discinnenti viventi di l'òrdini estintu dî Dinosàuri.
Li adattamenti chi pirmèttinu lu volu sunnu li siguenti:
- Li pinni, sunnu capaci di sustiniri l’armali ntô volu e fari scùrriri megghiu l’aria supra la superfici.
- L'ali, dirivanti dî iammi antiriori.
- Lu pettu carinatu, chi pirmetti la nzittatura dî putenti mùsculi pitturali, nicissari pû volu.
- L’andatura bìpedi, nicissaria pi libbirari l'ali dû còmpitu di sustiniri lu corpu.
- L'ossa cavi, chi cuntèninu sacchi d'aria culligati chî purmuni.
