Fugl
Úr Wikipediu, frjálsa alfræðiritinu
| Fuglar | |||||||||
|---|---|---|---|---|---|---|---|---|---|
 Flotmeisa, Parus major
|
|||||||||
| Vísindaleg flokkun | |||||||||
|
|||||||||
|
|
|||||||||
|
|
Fuglar (fræðiheiti: Aves) eru tvífætt hryggdýr með heitt blóð sem verpa eggjum, framlimi sem hafa ummyndast í vængi og hol bein.
Stærð fugla nær frá örsmáum kólibrífuglum að risavöxnum strútum og emúum. Um 9000 núlifandi tegundir fugla eru þekktar, auk um hundrað útdauðra tegunda. Nýlegar rannsóknir benda til þess að fuglar séu náskyldir einum hópi risaeðla og séu því næstu afkomendur hinna útdauðu eðla.
Fuglar eru innbyrðis ólíkir og nærast ýmist á blómasafa, jurtum, fræjum, skordýrum, fiski, hræjum eða öðrum fuglum. Flestir fuglar eru dagdýr, en sumir, eins og uglan, eru næturdýr eða rökkurdýr. Margar tegundir fugla eru farfuglar og ferðast eftir árstíðunum langan veg milli ólíkra heimkynna meðan aðrir eyða nær öllum tíma sínum á hafi úti. Sumir geta haldist á flugi dögum saman og jafnvel sofið í loftinu.
Algeng einkenni fugla eru tannlaus goggur fyrir munn, egg með harðri skurn, hröð efnaskipti og létt, en sterk, beinagrind. Flestir fuglar geta flogið þótt strútar séu ófleygir og sumar tegundir hafi týnt þessum hæfileika. Ófleygir fuglar eru meðal annars strútur, mörgæs, kívífugl og hinn útdauði dúdúfugl. Slíkir fuglar lenda í útrýmingarhættu þegar menn, eða önnur spendýr sem þeir flytja með sér, birtast í heimkynnum þeirra.
[breyta] Ættbálkar fugla
Þetta er listi yfir þá ættbálka sem heyra undir flokkinn Aves.
- Strútar (Struthioniformes)
- Tínamúar (Tinamiformes)
- Gásfuglar (Anseriformes)
- Hænsnfuglar (Galliformes)
- Mörgæsir (Sphenisciformes)
- Brúsar (Gaviiformes)
- Goðar (Podicipediformes)
- Pípunefir (Procellariiformes)
- Pelíkanfuglar (Pelecaniformes)
- Storkfuglar (Ciconiiformes)
- Flæmingjar (Phoenicopteriformes)
- Ránfuglar (Accipitriformes)
- Dagránfuglar eða fálkungar (Falconiformes)
- Turniciformes
- Rellur (Gruiformes)
- Strandfuglar (Charadriiformes)
- Spjátrur (Pteroclidiformes)
- Dúfnafuglar (Columbiformes)
- Páfagaukar (Psittaciformes)
- Gaukfuglar (Cuculiformes)
- Uglur (Strigiformes)
- Húmgapar (Caprimulgiformes)
- Þytfuglar (Apodiformes)
- Kólibrífuglar (Trochiliformes)
- Meitilfuglar (Coraciiformes)
- Spætufuglar (Piciformes)
- Þrúgar (Trogoniformes)
- Músfuglar (Coliiformes)
- Spörfuglar (Passeriformes)
[breyta] Tengill
