Ulesjtraote
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Ulesjtraotes, as te dit dialek sjpriks.
Ulesjtraote (Hollands: Ulestraten) ies ein dörp in de gemeinte Meersje in Limburg. Tot 1982 waor 't ein zelfsjtendige gemeinte. Op 1 januari 2005 woonde d'r 2.941 luuj in Ulesjtraote.
De naam Ulesjtraote kömp waarsjienlek van 't Latiense olla, dat 'pot' beteikent. In Ulesjtraote zint namelek euverbliefsele van 'n Romeinse pottebekkerie gevonge.
Inhawd |
[bewirk] Buurtsjappe
Bie dees plaats huère de gehuchte en buurtsjappe:
- Klein Bergem
- Grwat Bergem
- Vliek
- Genzon
- Humkove (Humcoven)
- Sjietekove (Schietecoven)
- Waterval
[bewirk] Geboewe
De kèrk van Ulesjtraote ies gewied aan de heilige Catharina. Zie woort in 1904 geboewd in neogotische sjtiel. In de jaore 80 van de 20e ièw ies de kèrk gerestaureerd.
Aan de weeg nao Meersje liegk 't landgood Vliek. Dat ies e kesjtièl oet 1725 mèt eine haof en ein koetsjhoes debie. De geboewe van 't landgood were noe gebruuk es restaurant en fièsaccommodatie. Vlak bie Ulesjtraote liek op eine heuvel 'n markante carréboerderie De Wiengaardsberg, woa vreuger, en tegewoordig ouch wir, wien woort geteeld. Dit ies ein neogotische kesjtièlboerderie mèt 3 vleugele. In 2002 ies me wir begoes mèt de wienteelt. In de hellingbösj hie nao toe ligke de brónne van de Vlièkerbeek.
[bewirk] Dörpsvereiniginge
- Carnavalsvereiniging de Kutebietersj
[bewirk] Gebore
- Gène Eggen, (1921) kunsjilder en beeldhouwer
[bewirk] Brón
|
|
 |
|---|---|
| Dörper: Meersje | Bung | Gäöl | Gäöl-aan-de-Maas | Mwórveld | Raotem | Ulesjtraote | |
| Buurtsjappe en gehuchte: Brómmele | Brookhaove | Genzon | 't Grwat-Brook | Grwat Bergem | Humkove | De Husjeberg | Kaze | 't Klei-Brook | Klein Bergem | Meersje-Wes | Raor | Sjietekove | Sniedersberg | 't Sjtómmeveldsje | Vliek | 't Voelwames | Waert | Waterval | |
