Tholen
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
- Dit artikel behandelt de gemeinte en 't eiland Tholen. Veur de plaots Tholen zuug Tholen (stedsje)
Tholen is e veurmaoleg eiland en 'n gemeinte in de Nederlandse provincie Zieland. De gemeinte heet 'n oppervlak vaan 254,41 km2, boevaan 106,60 km2 water, en 'n populatie vaan 24.822 inwoeners per 1 juni 2005. De gemeinte umvat de dörper Anna Jacobapolder, Oud-Vossemeer, Poortvliet, Scherpenisse, Sint Annaland, Sint Maartensdijk (raodhoes), Sint-Philipsland (wat neet op 't eiland Tholen ligk meh 'n eige veurmaoleg eilendsje heet), Stavenisse en Tholen.
Inhawd |
[bewirk] Ligking vaan 't eiland
Tholen ligk te weste en noorde vaan de Oostersjelde en t'n ooste vaan 't Sjelde-Rienkanaal. Euver dat kenaal ligk 'n brögk nao Berg op Zoom. D'n Oesterdam leit nao Zuid-Beveland, 'ne zijtak vaan de Grevelingendam leit vaanaof Sint-Philipsland nao Sjouwe-Duiveland en Goeree-Euverflakkee.
[bewirk] Gemeintelike economie en functies
E veurnaom middel vaan bestoon is nog ummer de landbouw, boe-in de tuinbouw good vertegewäördeg is. Veur zien verzörgingsfuncties is Tholen, op e paar zake in Sint Maartensdijk en Tholen-stad nao, aongeweze op veural Berg op Zoom. In de gemeinte höbbe ziech e groet aontal Bergse forenze gevesteg.
[bewirk] Historie
Door zien rillatief hoeg ligking heet Tholen in 't verleie relatief weineg te leie gehad vaan euverstruiminge. De dörper Stavenisse en Scherpenisse verraoje in hunne naom al 'ne Middeliewse oorsproonk. Tholen had zwoer cóncurrentie vaan de stad Reimerswael, meh wie die in verval raakde door 't euverstuime vaan häör achterland bleujde Tholen-stad en Sint Maartensdijk op wie noets teväöre. Intösse woorte de terpe en klein pölderkes ummer mie door nui polders verboonde, woedoor e groet eiland oontstoont. Later trej 'n stagnatie in.
Nao de störmvlood vaan 1953, dee 't eiland laank zoe zwoer neet tróf es beveurbild Sjouwe-Duiveland, woort 't eiland groetsjaoleg herverkaveld. Tot 1971 had eder dörp zien eige gemeinte; toen maakde de gemeintelike herindeiling tot de gemeinte Tholen 't gans eiland góng besloon. In 1995 woort ouch Sint-Philipsland debijgetrokke.
[bewirk] Externe link
| Provincie Zieland | |
|---|---|
|
Borsele | Goes | Hulst | Kapelle | Middelburg | Noord-Beveland | Reimerswaal | Schouwen-Duiveland | Sluis | Terneuzen | Tholen | Veere | Vlissingen |
|
