Biech
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
'n Biech ies bie de katholieke ein van 7 sacramente. Bie de biech weure, nao 'n berouwvol beliejenis, zung door 'ne preester vergeve. 'n Zónde ies 'n vriewilige handeling tege de Goddelike en zedelike veursjriefte. De persoon in kwestie krieg van de beechvader ein penitentie of boete opgelag. Meistal besjteit dat oet 't baeje van gebede.
In vreuger tieje koeste luuj aflate verdene um zoan penitentie, sóms waal 'n zjwoar sjtraof, aaf te koupe. 't Gebruuk van aflate ies in de jaore 60 van de veurige ièw aafgesjaf.
Nao 't Twiède Vaticaans concilie ies 't meugelik um in plaats van individueel te biechte, deil te numme aan 'n gezamelike boeteviering. De verpliechting tot privé-biech weurt èvvel neet opgeheve.
[bewirk] beechsjtool
De privé-biech vingk plaats in 'ne beechsjtool. Zoan muibel besjteit oet drie deile: in de miedde bevingk ziech de zietplaats van de beechvader, dae de beech aafnump. Aan beids kante ies 'n kneelbank veur 'ne beechteling. Dees ruumde weurt door 'n plank mèt ruèster van de beechvader gesjeije.
't Gebruuk van de beechsjtool dateert van 1614. Veur daen tied kneelde me neve of veur de beechvader dae in de kèrk op 'ne sjtool zoot.
[bewirk] biechgeheim
De beechvader zal in alle gevalle, zelfs bie doadsgevaor veur häöm of veur andere, 't geheim van de aan häöm toevertroewde biech beware. Oetzónderinge maoge allein gemaak weure es de beechteling dao oetdrökkelik toesjtumming veur gegegeve haet.
