Aflaat
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
'n Aflaat ies bie de katholieke 't kwietsjelle van 'n sjtraof. Es aan emes door de biech de zónde vergeve ies weurt dèks toch nog 'n penitentie (sjtraof) opgelag. Zoan sjtraof koes veur bepaalde zung sóms zjwoar zin. De katholieke kèrk ging op 'n gegeve moment de penitentie vervange door 't geve van aflate, die verdeend koeste weure door bepaalde veurgesjreve gebede, boetehandelinge of good werk te doon. Um 'n vol aflaat te kriege, woadoor me in eine kièr vrie waor van alle sjtraof, moos me ièrsj gebiech höbbe en de communie höbbe gedoon.
[bewirk] aflaatbreef
'n Aflaat kriege geit same mèt 't kriege van 'ne aflaatbreef. Eine kièr in zien leve of bie 't sjterve zal emes gebruuk maoge make van ein vol aflaat.
[bewirk] aflaathandel
Op 'n gegeve moment ies d'r 'ne handel óntsjtange in aflaatbreve. Dèks woort hiebie de indrök gewek, dat door 't gelle van zoane breef ouch de vergeving van zung waor gekoch. 't Concilie van Trente, (1545-1563) haet de aflaathandel verbao. Maarten Luther publiceerde in 1517 zien 95 sjtèllinge es reactie tege de aflaathandel van Johann Tetzel.
[bewirk] gesjiedenis
In de jaore 60 van de veurige ièw ies 't gebruuk van aflate verdene aafgesjaf. 't Individueel biechte maakde langzamerhand plaats veur gemeinsjappelike boetevieringe. Veur luuj, die dat wille besjteit nog ummer de meugelikheid um individueel te biechte. Zoan biech vingk plaats in eine biechsjtool, woa-in de biechvader ('ne geistelike) de biech huèrt en beoordeilt. Ouch op 't sjterfbèd weurt op verzeuk de lètste biech aafgenómme.
