Socialis Democratica Factio Germaniae

E Vicipaedia

SPD est abbreviatio factionis socialis democraticae Germaniae. Abbreviatio Germanice significat "Sozialdemokratische Partei Deutschlands". Est una duarum permagnarum factionum Germaniae.

[recensere] Res gestae

Antiquis temporibus homines in factione versantes curatores operariorum tantum esse voluerunt. Nunc dicunt fautores esse totius populi.

Factio universalis SPD anno 1890 condita est. Iam prius operarii partes singulas condiderant, sed illo demum anno vires suas coniunxerunt. Cum Sociales Democratici temporibus Germanici Imperii Secundi diu summos magistratus fugere deberent, magis magisque fautores conciliaverunt.

Anno 1914 plurimi Sociales Democratici fenore probato in bello gerendo discordiam factionum omnium et certamen contra imperatorem antea factum obruta esse censuerunt. Postquam Germani in hoc primo bello in toto terrarum orbe facto cladem acceperunt, Sociales Democratici summam potestatem Germaniae assumpserunt. Consodalis eorum factionis, Fridericus Ebert, primus praeses rei publicae Wimarensis creatus est.

Anno 1933 in Germania dictatura erecta est et SPD (et reliquae partes) prohibitae sunt. Multi socii aut Germaniam fugerunt aut illic restiterunt. Multi in campis captivi custodiendi retenti sunt, quorum magna pars necata est.

Post alterum bellum in toto terrarum orbe factum Sociales Democrati denuo eorum factionem condiderunt. Anno 1949 cladem electionis acceperunt et usque ad annum 1966 adversam factionem, i.e. oppositionem, formaverunt.

Tum tres per annos coalitione cum Christiana Democratica Unione iuncti erant. Ab anno 1969 ad annum 1982 cancellarii Germaniae Wilhelmus Brandt et Helmut Schmidt etiam rectores factionis SPD fuerunt.

Anno 1998 rector factionis SPD, Gerhardus Schröder, cancellarius factus est.

Hodie, anno 2006, factio una cum Unione Germaniam regnat magna in coalitione.