Kola

Uß de Wikipedia för Ripuarisch Shprooche.

Dä Aatikkel ėßß nit_esuh jerääsh jeschrieve wie hä sinn könnt. Luur_enß och unger dä Klaaf_Sigg_unn op dä Sick föör nit jerääsh jeshrivene Aatikkel. Hülf mėt dä Aatikkel hä jerääshter ze schrieve. Wenn Dor dat jelonge eßß, kannz Do hee_dä Zëddel fottschmieße.

Lekkor! Koola!

Kola iss_en widderlije brunge Limmo. Dat shtinkije Zeuch eß faßß bloß Zukkerwasser med_e paa Dröppe Jeschmak draan. Dä weet — eijentlish eß dadd_e Betriepsjehejmniß — uß fuule Äppel, Appelsiine, Prumme, Druuve un so_n Oops jemaat, wat keine nomaale Minsh mieh aanpacke däät.

Et jitt öhndlish mieh wie hundert Kolamarken op der Welt. Eine ess_en Metmaachkola, wo jeder sish selvs bräue kann, un och am Rezepp verbeßßere daref, se heish OpenCola. Aktuell eß Versijoon 1.1.3 do_vun.

Der jooße Reibach maache die Ammis met Coca-Cola un Pepsi, die dejlen unger sish nünxish Prozzent vum Weltömsaz med dä Bröh. All die andere han nit vill ze mellde.

De eetste Kola woo Coca Cola. Janz am Aanfang wo do och rishtish Koka dren. Dat han ävver di Bekloppten do op de andere Sigg von Jruuße Deejch med ihrem Alkoholverbot un Prohibizjonißmuß flöck verbodde. Se entshtund, wie en Industrijelle metkräät, wie ėn ener janze Regijohn de Opsernte kapottjejange woh. Hä hätt en jode Idee „Do maar_ish doch jet drußß“ un hätt dä Buure dä janze Matschkrom affjekouf wie_e_woo. Die Lück wore im su dankbar för dat Jeld wat se dofür krääte, dat se nedd_esu hungere moote, dat se dann maßßish Kola jekouf han un för dat Schejsabberzeuch och noch öhndlish Reklame jemaat han. Donoh koom_en Monnßtermaaketingkampanje en der Welld, di vill Jeld jekoßß hädd_un hück noch leuf. Dat hätt dan der sojenannte Siejeszoch vun dä Kola bejunne. Di hädd_e stöck de ahle krißßlishe Mission em Räßß der Welld affjelööß, hück määt dat nit mieh Rom, dat määt Amerika und miehztens kumme di och ohne Kollonije uß. Doför han die Ammis ėn Atlanta en Georgia e Denkmool för de Kola jebout, dat eß ene jannze Höüserblock jroß un do kannß de dren erömloufe. Ish ham_mer dat enß aanjeloot. Et es jet äänlish komijjet wie_t Völkerschlaachdenkmol in Lejpzish, ävver jet jröößer un medden en der Shtadt jelääje, un op en andere Aat häßlish. Dat weed Always Coca Cola Building jenannt, dat heijsh sujet wij_et Coca Kola för iewish - Bouwerrek. Naja, wer_et maach.

He bei unß ėm Lannt jit et noch Afri Cola, dat es ene weßßdeutsche, un Club Cola, dat eß de ossdeutsche Kola, di alle beeds sujett wie Kullt jewoode sinn. Ävver üßßerdämm dät inzwesche jede jößßere Suppermaatkett (Aldi Lidl Penny Plus Spar) ihr eijene Kola aanbeede, un in de DDR hattense noch sibbe andere Aate Kola, also nix med sozzjalißmus un et jit kej Außwaal. Et jit och e paa jrööne Bio- un Ökko-Kolaß, die sinn zwa nit jröön uß ävver jiddet och in koffeinfrei, so wie de Saps-Cola, die schmeck och jet anderß wie de miezte Kolaß, ävver schecklish sööß eß_ße och.

Dann hammer noch de Mecca-Cola — dat is och en politijje Antwoot us Arrabijje op denne Ammis ihre Kola — se weet avver in Frankreish jemaat un dat Jeld wat Do dofür bezaalß krijjen zom Deejl de Paleßtinnennser un ärme arrabishe Immies en Frankreish. Jenau so wie de Tukola us Kuba odder verschiedene Kolaß us Südamerika. De Inka Cola womėt sich de Peruahner vun dä Ammis affsetze wullte leef in janz Südamerika rishtish joot — dann hätt Coca Cola dä Lade jekouf un verkäuf se jez selver.