Eris
De Wikipedia, le encyclopedia libere
Le nanoplaneta Eris, originalmente designate 2003 UB313, es un objecto transneptunian plus grande que le Pluton. Le 14 de septembre 2006 le Union Astronomic International (IAU) dava su nomine official, secundo le dea grec de discordia, a illo. Illo possede un parve luna nominate Dysnomia secundo le filia demonic de Eris.(1)
[modificar] Eris como un nanoplaneta
Le discoperta de Eris igniva un debatto seriose inter astronomos sur le ver stato del Pluton e altere quasi equalmente large objectos transneptunian como Sedna e Quaoar. Previemente illes ha differentiate solmente inter duo categoria de satellites solar, large planetas e parve asteroides. In 2006 IAU creava le nove categoria nanoplanetas pro tal objectos e initialmente placiava Pluton, Eris e Ceres illac. Un nanoplaneta debe posseder et un superfacie spheric et un orbita circum le Sol.
(1) Olim illos pro plure annos portava le nomines provisional "Xena" e "Gabrielle", derivate ab duo heroines athletic de plure popular TV-films novezeelandic in le 1990s.
[modificar] Articulo de "Scientia"
Un nove membro distante del systema solar discoperite.
(De "Scientia" Augusto 2005), traducite per Stan Mulaik
Il ha un nove objecto le plus distante in nostre systema solar. Un massa del glacie e petra appellate 2003 UB313 lentemente circula nostre sol a un distantia de 9 milliardos de millias. Illo es le prime objecto confirmate esser plus grande que Pluto in le extreme systema solar, mais il non es clar si o non illo pote esser appellate un decime planeta; alcunos questiona si o non Pluto es digne de aquelle designation. A aquelle distantia, le objecto require 560 annos terrestrial pro facer un orbita del sol. Extraneemente le plano de su orbita es inclinate a un angulo de quasi 44 grados a partir de aquellos de Terra e le altere planetas . Le discoperta esseva facite in januario al Observatorio Palomar in California per le mesme equipa de astronomos qui le anno previe ha discoperite Sedna, que previemente habeva le titulo del plus distante objecto cognoscite in le systema solar. Le equipa ha proponite un nomine pro le objecto, que attende al approbation del Union International Astronomical. In le interim, illes lo nomina "Xena", pro le princessa guerrera in le television. Proque? "Proque nos semper voleva nominar alque 'Xena'."
