Milladoiro (música)
Na Galipedia, a wikipedia en galego.
Milladoiro é, desde hai uns vinte e oito anos, un dos mellores grupos musicais do folk tanto a nivel galego como internacional.
[editar] Historia
Os principais acontecementos cronolóxicos do grupo son:
- 1978: Edítase o disco Milladoiro (Antón Seoane, Rodrigo Romaní e Xosé V. Ferreirós).
- 1979: Sae o considerado primeiro disco do grupo, o titulado A Galicia de Maeloc. Milladoiro comeza a actuar nos festivais de Ortigueira e Lorient.
- 1980: O berro seco. Actúan no festival de Edimburgo.
- 1982: Milladoiro III. A BBC grava na Galiza e Escocia un episodio sobre Galiza chamado Os celtas divírtense, coa colaboración de Milladoiro.
- 1984: Saen os discos Solfafría, e Ris orangis (en directo, desde París).
- 1985: Banda sonora da película La mitad del cielo, de Manuel Gutiérrez Aragón.
- 1986: Galicia no país das marabillas. Levan o premio Goya pola banda sonora da película La mitad del cielo.
- 1987: Banda sonora da película Divinas palabras (de José L. García Sánchez), e banda sonora da película La memoria fértil (de Domenech).
- 1989: Castellum Honosti. Colaboran con Paul Winter no disco Solstice Winter.
- 1990: Banda sonora da exposición Galicia no tempo.
- 1992: Mención honorífica da Indie Award (en Texas, USA). Sae o disco From Kinsale to La Coruña, coa Orquestra da Radio Televisión Eireana (Bill Whelan).
- 1993: Banda sonora d´Os camiños de Santiago, serie de TVE-TVG.
- 1994: Edición de Iacobus Manus, gravado coa English Chamber Orchestra.
- 1995: Editan Gallaecia Fulgit e As fadas de estraño nome, a banda sonora de El rey del río (de Manuel Gutiérrez Aragón) e colaboran con Liam O´Flynn no disco The given note.
- 1997: Colaboran en varios discos colectivos internacionais.
- 1998: Travesías, obra para orquestra sinfónica.
- 1999: No confín dos verdes castros. Editan tamén Auga de maio, un disco no que hai dous emotivos temas cantados por Ana Belén e Olga Cerpa, aos que se suman os instrumentais tradicionais do grupo.
- 2002: O niño do sol, onde contan coas colaboracións vocais de Laura Amado, Kathy Mattea e Faustino Santalices (recuperando a súa voz dunha gravación duns 50 anos antes). Neste ano o grupo fórmano Xosé Antón F. Méndez, Xosé V. Ferreirós, Nando Casal, Antón Seoane, Moncho García Rei, Harry C., Manú Conde e Roi Casal.
- 2005: XXV
[editar] Compoñentes
Membros fundadores
- Rodrigo Romaní (Harpas, bouzouki, Guitarra acústica, ocarina e voz) 1978-2000
- Xosé V. Ferreirós (Gaita, mandolina, óboe, bouzouki, percusions) 1978-
- Nando Casal (gaita, clarinete, tin whistle, percusions, voz) 1978-
- Antón Seoane (Teclados, guitarra, hurdy gurdy, accordeon, voz) 1978-
- Xosé A. Méndez (flautas) 1979-
- Moncho García Rei (Bodhran, percusions, tamboril e voz) 1978-
- Laura Quintillán (violin) 1979-1980
Outros
- Michel Canadá (violin) 1980-1993
- Antón Seijó (violin) 1993-1999
- Harry C. (violin) 1999-
- Roi Casal (Harpa, bouzouki, ocarina, percussions) 2000-
- Manú Conde (Guitarras, bouzouki) 2000-
