TVG
Na Galipedia, a wikipedia en galego.
Televisión de Galicia é unha canle televisiva galega que forma parte da Compañía de Radiotelevisión de Galicia (CRTVG) xunto coa Radio Galega.
A TVG comezou as súas emisións o 25 de xullo de 1985 coa emisión da curtametraxe Mamasunción de Chano Piñeiro. Tras un período de emisión en probas comezou a súa andaina o 29 de setembro dese mesmo ano con 39 horas de emisión á semana. Actualmente emite 168 horas á semana e perto do 70% é de produción propia. O 31 de decembro de 1996 a canle Galeusca TV, da que tamén formaban parte ETB e TV3, iniciou as súas emisións regulares cara América vía satélite e o 17 de maio do ano seguinte a TVG comezou a transmitir por internet.
As súas instalacións centrais están en San Marcos, na parroquia do Bando, no concello de Santiago de Compostela.
A programación da TVG emítese integramente en galego para todo o territorio, exceptuando a publicidade que se emite en castelán e en galego. Con todo, a primeira canle televisiva en emitir en galego, malia que parcialmente, foi o Centro Territorial de RTVE en Galicia.
A TVG forma parte da FORTA.
O actual director xeral da TVG, Benigno Sánchez, anunciou que a finais de 2006 a TVG vai crear unha segunda canle pública.
[editar] Ligazóns externas
- Páxina web da TVG
- Televisión á carta Videos en poadcast