Nirvana (clape musicâl)

De Vichipedie, la enciclopedie libare dute in marilenghe.

I Nirvana intal 1992

I Nirvana a son stâts une popolâr clape musicâl di musiche grunge merecane, fondât intal 1987 inte citadine di Aberdeen, dongje Seattle, tal stât di Washington. La cjançon che ju à rindûts cognossûts vie pal mont e fo in particolâr "Smells like teen spirit", cjapade dal disc "Nevermind" jessût intal 1991, che e fo ancje il mût di rindi famôs chel miscliç di rock alternatîf e punk che i mieçs di comunicazion a clamaran grunge. Daspò dai Nirvana, altris clapis de aree di Seattle e vignerin fûr, tra chestis chês di sucès a forin i Alice in Chains, Pearl Jam e Soundgarden, tant che il rock alternatîf al sarà un dai gjenars plui trasmetûts intes radios e intes televisions musicâls te prime metât dai agns '90.

I components principâls dai Nirvana a son stâts Kurt Cobain (vôs e ghitare), Krist Novoselic (bas) e Dave Grohl (baterie). Il lôr disc plui vendût al fo Nevermind.

Come lider dal grup, Kurt Cobain al fo spes clamât inte stampe "il puartevôs di une gjenerazion", e i Nirvana il "grup di bandiere" de "Gjenerazion X". Cobain nol jere tant content di chestis definizions, parcè che al preferive concentrâsi su la musiche, sorprendint dut il public dai Nirvana cul tierç album in studi, "In utero". Ancje se la grande popolaritât de clape intal public e calà simpri di plui daspò di chest album, i apassionâts plui fedêls a apreçarin la atmosfere scure di chest periodi dal grup, specialmentri daspò de esibizion dal 1993 pe trasmission MTV Unplugged.

La curte cariere dai Nirvana e finì cun la muart di Kurt Cobain tal 1994, ma la popolaritât de clape no murì cun lui, aumentant invezit cul passâ dal timp; vot agns dopo de muart di Cobain al fo dât fûr une demo no dal dut finude, regjistrade doi mês prime de muart dal cjantant, e che rivà intes primis posizions de classifichis mondiâls. De lôr fondazion i Nirvana a àn vendût plui di 50 milions di discs, di cui plui di dîs di Nevermind dome tai Stâts Unîts, e lis cjançons plui famosis dal grup a son ancjemò mandadis in onde intes radios di dut il mont.

[cambie] Components dal grup

Kurt Cobain

Kurt Cobain - cjantant, ghitarist
Krist Novoselic - bassist
Aaron Burckhard - baterie (1987)
Dale Crover - baterie (1987-1988, 1990)
Dave Foster - baterie (1988)
Chad Channing - baterie (1988-1990)
Jason Everman - ghitarist (1989)
Dan Peters - baterie (1990)
Dave Grohl - baterie (1990-1994)
Pat Smear - ghitarist (1993-1994)

[cambie] Discografie

Discs e compilations

An	Titul	Discografiche	Altris informazions
1989	Bleach	Sub Pop	Prin disc in studi.
1991	Nevermind	Geffen Records	Secont disc in studi.
1992	Incesticide	Geffen	Compilation di cjançons raris di studi, lâts B, versions alternativis e remix.
1993	In Utero	Geffen	Tierç disc in studi.
1994	MTV Unplugged in New York	Geffen	Disc acustic dal vîf.
1994	Live! Tonight! Sold Out!!	Geffen	Vídeo casolà VHS amb actuacions en viu i entrevistes.
1995	Singles	Geffen	Lis miôrs cjançons di Nevermind e In Utero intun disc.
1996	From the Muddy Banks of the Wishkah	Geffen	Disc eletric dal vîf.
2002	Nirvana	Universal	Clamât ancje Best of e/o Greatest Hits. Inclût "You Know You're Right" mai publicade prime.
2004	With the Lights Out	Geffen	Scjatule cun trê CDs e un DVD. Al inclût materiâl râr e no publicât prime.
2005	Sliver: The Best of the Box	Geffen	19 cjançons di With The Lights Out plui trê regjistrazions mai publicadis prime.

Singui e EPs

An	Titul	Discografiche	Altris informazions
1988	Love Buzz/Big Cheese	Sub Pop	(Bleach) Version limitade di 1000 copiis.
1989	Blew (EP)	Tupelo	(Bleach) EP publicât in France e tal Ream Unît.
1990	Sliver/Dive	Sub Pop
1991	Candy/Molly's Lips	Sub Pop	Insieme cun Fluid; dal vîf, prime edizion in vinîl neri (2.500 copiis) e seconde in vinîl blu (3.500 copiis)
1991	Here She Comes Now/Venus in Furs	Communion	Versions di Velvet Underground, insieme cui The Melvins (1.000 copiis in 8 colôrs difarents)
1991	Smells Like Teen Spirit	Geffen	(Nevermind)
1992	Come As You Are	Geffen	(Nevermind)
1992	Lithium	Geffen	(Nevermind)
1992	In Bloom	Geffen	(Nevermind)
1992	Hormoaning (EP)	Geffen	EP publicât dome in Australie e Gjapon.
1993	Puss/Oh, the Guilt	Touch and Go	Cun i The Jesus Lizard (100.000 copiis in dut il mont)
1993	Heart-Shaped Box	Geffen	(In Utero)
1993	All Apologies/Rape Me	Geffen	(In Utero)
1994	Pennyroyal Tea	Geffen	(In Utero) Non cambiât dopo de muart di Kurt Cobain. No esistin copiis in vinîl, e si pense che a esistedin dome un centenâr di CDs.
1994	About a Girl	Geffen	(MTV Unplugged in New York) Publicât soredut in Europe, cuntune edizion limitade di 5.000 copiis publicade in Australie.
1996	Aneurysm	Geffen	(From The Muddy Banks of The Wishkah) Dome pe promozion dal disc in radio.
2002	You Know You're Right	Geffen	(Nirvana) Dome pe promozion dal disc in radio.