Zátor
El Vikipedio
Zátor estas vilaĝo situanta en sudokcidenta terlango de distrikto Bruntál. Norde ĝi najbaras kun Čaková, oriente kun Brantice kaj teritorio Dubnice, sude kaj okcidente kun Lichnov kaj Milotice nad Opavou.
La valo de Zátor estas mallarĝa. La okcidentaj montoj iom post iom leviĝas de oriento kaj nordoriento per malaltaj krutaj deklivoj ĝis la plej alta,proksimume 500 m alta montodorso. De sur deklivo de vilaĝo Čaková montriĝas belega vido al la tuta valo Loučky kaj ni vidas la supran parton de Zátor, al kiu dukas preĝejo de La plej sankta triopo. La vilaĝo estas ĉirkaŭita per arbaroj kaj montetoj. Tra la suba parto (Loučky) trafluas rivero Opava, tra la supra parto rojo Zátoráček.
La pentrinda pejzaĝo, preskaŭ netuŝita industrio, rekte allogas al longaj promenoj tra la ĉirkaŭaĵo kaj por ŝatantoj de naturo kaj turismo la promenado tra la naturo ĉirkaŭ Zátor estos neforgesebla sperto en ĉiu jarsezono.
[redaktu] Konciza historio
La vilaĝo kaj burgaro Sator estas unuafoje skribe menciata en 1377, kiam proprumis ĝin Štěpán z Varanova. Tiel ĝi estis notita en dokumento, kiam filoj de opava princo Mikuláš la 2-a dividis je patra heredaĵo. Tiam estiĝis krnova princlando, kiun ricevis Jan la 1-a.
En militoj inter reĝo Jiří z Poděbrad kaj Matiaŝo Korvino tiama krnova princo Jan aliĝis al flanko de reĝo Jiří, li estis militkaptita kaj lian sinjorujon ekprenis venkinto Matiaŝo. Zátor estis verŝajne en tiu ĉi milito rabita.
Poste estis la dezerta vilaĝo Zátor kelkfoje vendita.
Ekde la 1770 oni komencis uzi numerojn sur domoj. En 1798 Zátor havis 104 domajn numerojn kaj 613 germane parolantajn loĝantojn, kiuj vivtenis sin per agrikulturo, bredado de brutaro.
La 15-an de oktobro 1872 estis trafikigita fervojo Olomouc - Bruntál - Krnov - Opava. Fervojhaltejo en Zátor estis establita kaj malfermita nur la 1-an de aŭgusto 1892.
En 1919 la vilaĝo estis elektruzita.
La 7-an de oktobro 1938 la germana armeo enpaŝis en Zátor de Krnov ĝis la valo de rivero Opava. Samtempe Adolf Hitler traveturis kun ĝi sur distrikta ŝoseo tra Loučky ĝis Bruntál kaj li estis ĝoje bonvenigata de loĝantaro.
La 6-an de majo 1945 la rusaj taĉmentoj enpaŝis ĝis Zátor, la germanaj taĉmentoj, kiuj havis en paroĥejo lazareton, retiriĝis norden.
La ĉefa transporto de germanoj foriris el Zátor la 6-an de majo 1946. Plinombriĝis ĉeĥaj alloĝintoj, dum kio plimulto de la alloĝintoj devis esti el Silezio. Diservoj estis servataj ĉeĥe kaj germane.
En 1996 kaj 1997 trafis la tutan regionon ĉirkaŭ Zátor katastrofaj inundoj, kiuj tre difektis la vilaĝon.
