Дняпро

Зьвесткі зь Вікіпэдыі — вольнай энцыкляпэдыі.

Дняпро́ (па-расейску: Днепр, па-ўкраінску: Дніпро) — рака даўжынёй 2.290 км, якая працякае праз Расею, Беларусь і Ўкраіну і ўпадае ў Чорнае мора. Даўжыня на тэрыторыі Беларусі — 689 км. Трэцяя па даўжыні і плошчы басэйну рака Эўропы (пасьля Волгі і Дунаю).

Рака ўпершыню ў гісторыі ўзгадваецца старажытнагрэцкім навукоўцам Герадотам у 5 стагодзьдзі да н. э. як Барысфен (Βορυσθένης). Больш позьнія грэцкія і рымскія аўтары называюць раку Δαναπρις - Данапрыс і Данапэр адпаведна (Δανα на старажытнапэрсыдзкай мове значыць «рака»). Старажытнаруская назва ракі — Славуціч.

Дняпро пачынаецца зь невялікай дрыгвы на Валдайскім узвышшы (Смаленская вобласьць, Расея) і цячэ на поўдзень да ўпадзеньня ў Дняпроўскі ліман Чорнага мора. Цягам 115 кілямэтраў рака выконвае ролю натуральнай мяжы паміж Беларусьсю і Ўкраінай. Апошнія 800 кілямэтраў на Дняпры разьмяшчаецца цэлы шэраг буйных вадасховішчаў.

ДняпроГЭС — найбуйнейшая на Дняпры

Дняпро мае вялікае значэньне ў эканоміцы Ўкраіны, ствараючы выдатны транспартны калідор. На рацэ разьмешчаныя некалькі буйных гідраэлетрастанцыяў, якія забясьпечваюць каля 10% патрэбнасьці Ўкраіны ў электраэнэргіі. Праз свой правы прыток Прыпяць і Дняпроўска-Бугскі канал Дняпро мае сувязь з Балтыйскім морам.