Winkel (Geometrie)
Us der alemannische Wikipedia, der freie Dialäkt-Enzyklopedy
Vorlage:Physikalischi Grössi Vorlage:Physikalischi Grössi De Winkel isch e Objekt i de Geometrie. Mit emene Winkel cha mer messe, wie sich zwei Grade oder zwei Ebene schnidet.
[ändere] Definition
En Winkel wird dur drü Punkt definiert, wo uf de innere Ebene liget. (I de beide Ausnahmegestreckte Winkel und Vollwinkel sind’s unendlich viel Ebene)
Eine vo dene Punkt isch de Usgangspunkt vo zwei Strahlen, die durch die andere beide Pünkt laufet.
Der erschti Punkt heisst Scheitel vom Winkel oder vom Winkelscheitel.
Die beiden Strahle heisset Schenkel vom Winkel.
Mer cha au säge, en Winkel entstoht dur e Drehig vo zwei Grade, die sich imene Punkt schnidet. Mit de Hilf vom Einheitskreis wird da dütlich und d’Definition vo de Winkelfunktione (Trigonometrischi Funktion) loht sich liecht us dem folgere. Bi drü Dimensione gilt’s analoge: d’Drehung vo zwei Ebene, die sich inere Schnittlinie schnidet.
Well es zwei Möglichkeite git, die Grade oder Ebene z’drehen und weg dem au zwei Winkel entstönd, sött zusätzlich d’Drehrichtung ageh werde.
- Linksdrehig, gege de Uhrzeigersinn, wird mathematisch Positive Drehsinn gnannt.
- Rechtsdrehig, mitem Uhrzeigersinn, wird mathematisch Negative Drehsinn gnannt.
I de Mathematik isch es üblich, d’Drehig gege de Uhrzeiger, also im math. positive Drehsinn z’wähle. Wenn d’Drehig andersch ume erfolge söll, sött da au usdrücklich ageh werde.
