Sentraal-Afrikaanse Republiek

vanuit Wikipedia, die vrye ensiklopedie.

Kaart van die Sentraal-Afrikaanse Republiek

Die Sentraal-Afrikaanse Republiek (SAR) (Frans: République Centrafricaine) is 'n deur land ingeslote land in midde-Afrika. Dit grens aan Tsjaad in die noorde, Soedan in die ooste, die Republiek van Kongo en die Demokratiese Republiek van Kongo in die suide, en Kameroen in die weste. Die grootste deel van die SAR bestaan uit Soedano-Guinese savanna maar sluit ook 'n Sahelo-Soedanesegebied in die noorde en 'n reënwoudgebied in die suide in. Twee derdes van die land lê in die bekkens van die Ubangi rivier, wat suid in die Congorivier in vloei, terwyl die oorblywende derde in die bekken van die Sharirivier, wat noord in die Tsjaadmeer in vloei, lê. Aangesien die grootste deel van die landsgebied in die Ubangi en Shari rivierbekkens geleë is, het die Franse die kolonie wat dit in die gebied uitgekerf het Ubangi-Shari, of Oubangui-Chari in Frans, genoem. Die Franse kolonie Ubangi-Shari word in 1958 'n semi-autonome gebied van die Franse Gemeenskap en 'n onafhanklike nasie op 13 Augustus 1960. Vir drie dekades na onafhanklikheid is die SAR regeer deur presidente wat nie op werklik demokratiese wyse verkies is nie of wat die mag met geweld oorgeneem het. Die eerste regverdige demokratiese verkiesings word 1993 gehou en stel Ange-Félix Patassé tot bewind, maar President Patassé se regering word in 2003 deur Generaal François Bozizé omvergewerp. Generaal Bozizé wen in Mei 2005 'n demokratiese verkiesing in steeds aan bewind.