Sallaands
Van Wikipedie
Sallaands is de name veur een groep Nedersaksische dialecten in de Nederlaands pervinsie Aoveriessel; regio Sallaand. 't Komp grotendiels aoveriene mit 't Oost-Veluws. Raolte wördt meestentieds taolkundig ezeen as 't centrum van 't Sallaands.
[bewark] Kenmarken
Kenmarkend veur de Sallaandse dialecten bint kotte klinkers (kettel, götte) of erekte klinkers (kètel, göte) daoras 't Nederlaands lange klinkers (ketel, goot) hef. De Iessel bijlanges aoverheerst (krek as in 't Oost-Veluws) de erekte klinkers. Wieder naor 't oosten he-j de kotte klinkers.
Karakteristiek veur 't westelijke Sallaands net as veur 't Veluws is de uutspraok van de kotte a, zoas in 't Engelse cat: värve.
In 't oosten van Sallaand wördt in plaotsen as n Ham, Heldern en Nijverdal een aovergangsdialect mit Twentse invloeden espreuken. Kenmarken hiervan bint een oo daoras 't Nederlaands een oe hef (stool/stoel), gien n in 't meervold van sommige woorden (huze), en drei woordgeslachten. [1]
[bewark] Verspreiding
't Gebied daor as ze Sallaands praot, komp niet sekuur aoveriene mit 't gebied det Sallaand wördt enuumd. De taolkundige Harrie Scholtmeijer [2] verdeelt de Nedersaksische dialecten van Sallaand in:
- Noord-Oaveriessels boven een liende die zo'n betien onder Zwolle, Ni'jlusen en Slagharen löp;
- Vechtdals in de dreihoek Ommen-Grambarge-Vroomshoop (dit löp een entien deur in Twente);
- Sallaands in 't aoverige (grootste) pat.
Een aandere iendieling [3] is:
- Sallaands veur bi'jnao 't hiele gebied;
- Zuud-Drèents veur de plaotsen drekt onder de grèens mit Drenthe (Stappest, Rouveen, Ni'jlusen, De Balk, De Vaort, Drogteropslagen, Schunesloot, Slagharen, De Krim).
[bewark] Referenties
- ↑ Scholtmeijer, Harrie (2006), Mörn! Taalgids Overijssel, Assen: In Boekvorm Uitgevers bv.
- ↑ Scholtmeijer, Harrie (2006), Mörn! Taalgids Overijssel, Assen: In Boekvorm Uitgevers bv.
- ↑ http://taal.phileon.nl/kaart/nedersaksisch.php
