Stappest
Van Wikipedie
|
|||||||
 |
|||||||
| Previnsie | Oaveriessel | ||||||
| Heufplaotse | Stappest | ||||||
| Oppervlak - Laand - Waoter |
135,70 km² 134,29 km² 1,41 km² |
||||||
| Inwoeners Bevolkingsdichtheid |
15.825 (1 mei 2006) 118 inw./km² |
||||||
| Geografische coördinaten | 52°38' NB 6°12' OL | ||||||
| Belangrieke verkeersaders | A28, N377 | ||||||
| Netnummer | 0522 | ||||||
| Postcodes | 7715, 7950-7955 | ||||||
| Officiële webstee | www.staphorst.nl | ||||||
Stappest (Nederlaands: Staphorst) is een gemiente en een dörp in de Nederlaandse previncie Overiessel. 't Telt ongeveer 15.600 inwoners en hef een oppervlakte van 136 km² (met een te verwaorlozen gedeeilte an waoter).
In de gemiente ligt de dörpen Rouvène, IJhorst en Punthorst, en de buurtschoppen Halfweg, Hamingen en Lankhorst. In 't oosten van de gemiente ku'j de Boswachteri'je Stappest vienden. Stappest wördt bediend deur 't naobij legen Möppelt in Drenthe.
[bewark] Dörpskarakter
Samen met Rouveen vörmt Stappest een typisch veurbeeld van lintbebouwing an de olde rieksweg. Opvallend an Stappest en Rouveen bint de felgrune luken en deuren met boven de veurdeur dikkels een zogenaomde levensboom en de klederdracht die vrogger van jong tot old deur mannen en vrouwen edraogen wör, mar wat noe hiel rap ofnimt. Kienders die permanent of allent in de winter in klederdracht lopen, bint al een zeldzaomheid. Ok volwassen mannen zie-j der niet meer in lopen, op een paor bejaorde mannen nao. Volwassen vrouwen die in klederdracht lopen, bint der nog wel redelijk veul. Sinds 1937 is in de Algemiene plaotselijke verordening vastlegd dat 't verboden is "iemand op of an de weg zonder zien of heur toestemming te fotograoferen".
[bewark] Karkelijkheid
De gemienschap van Stappest stiet bekend as eein van de meest karkelijke binnen Nederlaand en is zeer slöten. Der bestaon verschillende reformeerde karken van verschillende oriëntaoties. De zundagsrust wordt stark in acht eneumen en de karkdiensten in de protestantse karken worden drok bezocht. De dörpskark van Stappest is met ongeveer 2300 zitplaotsen eein van de grootste karken in Nederlaand en zit iedere zundag vol. Op speciaole dagen zoas biddag en dankdag bint in Stappest alle winkels, bedrieven en schooulen sleuten. 't Liekt dan een normaole zundag, allin de kardiensten worden meestal pas 's aovends holden.
[bewark] Kunnigheid
In disse lieste vin ie bekende mèensen die op Stappest woont, of woond hebt.
- Stien Eelsingh (1903-1964), schilderes
- Peter Stegeman ('t Stappester boertien) (1840-1922), krudendokter
