Vlaardinge
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Vlaardinge (officieel Vlaardingen) is 'n stad en gemeinte in de Nederlandse provincie Zuid-Holland, aon de Nui Maos, bij Rotterdam, tösse Schiedam en Maassluis. De gemeinte heet 'n oppervlak vaan 26,71 km2, boevaan 2,90 km2 water. Per 1 juni 2005 heet de gemeinte 72.660 inwoeners. Vlaardinge heet gein ander kèrne; aw dörper en naobersjappe, wie Vlaardingerambacht en Holy, zien allaank in de stadsbebouwing opgenómme.
Inhawd |
[bewirk] Stadsfuncties
Allewijl is Vlaardinge in de ierste plaots 'n forenzestad veur Rotterdam, beveurbild veur havewèrkers. Vlaardinge is es echte veurstad oetzoonderlik steidelik vaan karakter: 't heet mier es 3000 inwoeners per veerkante kilometer.
In Vlaardinge weure jaorliks de Geuzepenninge oetgereik.
[bewirk] Stadsgeziech
Vlaardinge is 'n aw stad en bewoert nog e paar aw monuminte, wie de Groete Kèrk, de Aw Merret, de meule Aeolus en 't aajd raodhoes vaan Vlaardingerambacht. De eineg neet-bebouwde groond in de gemeinte is de Broekpolder, dee door opspoeting mèt (vergifteg) slib oet de Rotterdamse have neet bebouwd moch weure (vergliek Maassluis).
[bewirk] Historie
Oet opgravinge is gebleke tot 't gebeed um Vlaardinge al in de late Steintied bewoend waor; me sprik wel vaan de Vlaardinge-cultuur. In de Roemeinsen tied huurde 't tot 't kèrngebeed vaan de Bataviere. Me heet dao reste vaan 'nen dam gevoonde, die tot de aajdste veurbilde vaan damme in 't land huurt. Nao 't vertrèkke vaan de Roemeine evels blaof 't gebeed tot aon de achste iew oonbewoend, tot me in 726 in dit gebeed e kèrkske stiech, boerum 't dörp Vlaardinge oontstoont. In 985 leet graof Dirk II van Holland hei 'ne hoof bouwe; Vlaardinge is daomèt in 't Maasland ein vaan de aajdste plaotse. In 1018 en 1047 versleit de graof d'n Duitse keizer, dee Holland sjatpliechteg aon Worms wouw hawwe; noe kós heer zien eige belastinge inne en woort Holland de facto oonafhenkelik. In 1163 euverstruimde Vlaardinge tijens 'ne störm; dit beteikende 't ind vaan zien leiende rol, die 't mós aofgeve aon Dordrech.
In 1273 kraog Vlaardinge stadsrechte vaan de bekinde graof Floris V. In de sjaad vaan Rotterdam volgden 'ne kleine nuie bleuj, o.a. es vèsserlpaots meh die kaom tot e nui ind in 1574 wie de stad in opdrach vaan Wöllem vaan Oranje geofferd woort in de stried tege de Spaanjers: de Geuze staoke de stad in braand.
In de twintegste iew greujde de stad es oetwiekgebeed veur Rotterdam ummer wijer aon. In 1941 woort Vlaardingerambacht bij Vlaardinge gevoog.
[bewirk] Gebaore in Vlaardinge
- Agnes van Ardenne, politica
- Wouter Bos, politicus
- Mark Huizinga, judoka
- Marjolein Keuning, tv-perseunlikheid
- Geert Mak, sjriever
- Roel Pieper, oondernummer
