Bergschenhoek

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.

Ligking vaan Bergschenhoek in Zuid-Holland

Bergschenhoek is 'n plaots en gemeinte in de Nederlandse provincie Zuid-Holland, te noorde vaan Rotterdam, aon 't reveerke de Rotte. In de gemeinte woende op 1 januari 2006 16.608 lui; 't oppervlak bedräög 15,52 km² (daovaan 0,63 km² water). Neve Bergschenhoek 't dörp kint de gemeinte nog de naobersjap De Rotte. Bergschenhoek is 'n veurstad van Rotterdam, veural veur de rieker bevolkingsgrope.

[bewirk] Historie

Bergschenhoek waor tot wied in de Middeliewe 'n oonbewoenbaar moorgebeed. In de vieftiende iew woorte de morasse evels druuggelag en aon 't ind vaan die iew sprik me vaan Bergschen Hoek; 't hoort in deen tied bij Hillegersberg, allewijl 'n deilgemeinte vaan Rotterdam. In 't midde vaan de zevetiende iew waor 't dörpje in gebruuk bij katholieke, die dao 'n sjoelkèrk stiechde en 'ne pestoer aonstèlde. Later pas kraog de plaots 'n eige próttestantse kèrk. In 1811 woort Bergschenhoek oonder Napoleon administratief vaan Hillegersberg aofgesjeie. Ind jaore negeteg vaan de twintegste iew greujde Bergschenhoek oet vaan e dörp tot 'n echte veurstad, confrom de VINEX (Veerde Nota Ruumdelike Ordening Extra). Op 1 januari 2007 zal de gemeinte vrijwèlleg mèt Bleiswijk en Berkel en Rodenrijs fusere tot de nui gemeinte Lansingerland.