Alblasserdam

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.

Ligking vaan Alblasserdam in Zuid-Holland

Alblasserdam is 'n gemeinte en plaots in de Nederlandse provincie Zuid-Holland, in 't weste vaan de Alblasserweerd, aon de reveer de Noord, mèt 'n populatie vaan 18.425 inwoeners op 1 januari 2006 en 'n oppervlak vaan 9,96 km² (daovaan 1,18 km² water). Binne de gemeinte ligk wijer nog e deil vaan 't dörp Kinderdijk.

[bewirk] Historie

Alblasserdam is oontstoon roond 'nen daam in 't reveerke d'n Alblas en waor daan ouch oorsprunkelik 'n naobersjap vaan Oud-Alblas. D'n daam weurt veur 't iers geneump in 1299, in de Kronieke vaan 't Graafsjap Holland vaan Melis Stoke, de parochie woort gestiech in 1447. Naodeen euvervleugelden 't Oud-Ablas gans, door zien geunsteger ligking aon de reveer de Noord die de handel 'nen impuls gaof, en woort 't mèt Papendrecht en Sliedrecht e veurnaom cintrum vaan de Alblasserwierd. Vaanaof 1350 tot en mèt de Watersnoedramp vaan 1953 is dit gebeed evels neet minder es 33 keer oondergeloupe, wat de greuj en bleuj vaan de plaots natuurlik remde. In 1940 woort 't dörp bij e Duits bómbardemint platgegoejd, zoetot 't aajd dörp mer weinig aw gebouwe heet.