Geschicht
Vu Wikipedia, der fräier Enzyklopedie.
Inhaltsverzeechnes |
[Änneren] Definitioun
D'Geschicht ass de Studium, d'Relatioun an d'Interpretatioun vun der Vergaangenheet. De Numm huet als Urspronk dem Herodot seng Enquêten, Historiai op Griichesch awer et ass den Thukydides, dee fir d'éischt "wëssenschaftlech" Methoden an der Historiographie benotzt huet.
"Geschicht" bezeechent all d'Perioden, déi eis duerch schrëftlech Spuere bekannt sinn, déi Periode, fir déi mir keng schrëftlech Quellen hunn, sinn d'Virgeschicht oder d'Protogeschicht.
[Änneren] Geschicht als Wëssenschaft
Liest dozou den Artikel Historiographie.
[Änneren] Hëllefswëssenschaften
[Änneren] D'Veraussetzunge ginn erfuerscht
- Historesch Geographie, d'Léier vum Raum
- Chronologie, d'Léier vun der Zäit
- Genealogie, d'Erfuerschung vun der Famill oder Ofstamung
[Änneren] D'Quelle ginn erfuerscht
- Allgemeng Quellefuerschung, d'Léier vun de Quellen iwwerhaapt
- Dokumentefuerschung
- Actefuerschung, d'Léier vun de Schrëftstécker
- Paläographie, d'Léier vun de schrëftgeschichtleche Formen
- Heraldik, d'Léier vun de Wopen
- Woperecht
- Numismatik, d'Léier vun de Mënzen
- Mënzerecht
- Sphragistik, d'Léier vun de Sigelen
- Sigelrecht
- Epigraphie, d'Léier vun den Inskriptiounen
[Änneren] Nopeschwëssenschaften
- Archäologie
- Anthropologie, d'Léier vum Mënsch
- Ethnologie, d'Léier vun de Vëlker
[Änneren] Geschicht no Perioden
D'Haaptperioden no deene mir d'Geschicht ënnerdeele sinn:
- d'Virgeschicht,
- d'Protogeschicht,
- d'Antikitéit,
- d'Mëttelalter,
- d'Modern an
- d'Neizäit.
Bei der Modern an der Neizäit hänkt et vum Land af. Dës Terminologie ass vum franséischen iwwerholl (époque moderne, époque contemporaine), am däitschen ass et genee ëmgedréint (Neuzeit, Moderne bzw. Zeitgeschichte).
[Änneren] Aner Andeelungen
Geschicht kann och geographesch agedeelt ginn: amerikanesch, asiatesch, ... Geschicht.
Geschicht ënnerdeelen hëlleft zwar, sech e Repère ze schafen, fir sech z'orientéieren, allerdéngs sinn och Schwieregkeeten domadder verbonnen: Wou hält wat fir en Zäitalter op? Ass de Kolumbus oder de Gutenberg wichteg fir d'japanesch Geschichtsschreiwung? Wéini fänkt Zäitgeschicht un? Mat den "Zäitzeien", déi eis zur Verfügung stinn? All Andeelung a Perioden ass emmer diskutabel, an ass natierlech länner- oder regiounspezifesch.
